تۇركىستان وبلىسىندا 800 دەن استام مەدقىزمەتكەر ك ۆ ي ەكپەسىن سالدىردى

تۇركىستان. قازاقپارات - 1-8 اقپان ارالىعىندا تۇركىستان وبلىسىندا 840 قا جۋىق مەديتسينا قىزمەتكەرى Covid-19 عا قارسى ەكپە سالدىردى،دەپ حابارلايدى قازاقپارات.

سوڭعى ءبىر تاۋلىك ىشىندە تۇركىستان وبلىسى بويىنشا كوروناۆيرۋس ينفەكتسياسىن جۇقتىرۋدىڭ 7 جاعدايى راستالدى.

COVID-19 ينفەكتسياسىنىڭ كۇندەلىكتى ءوسۋ دەڭگەيى %16 توڭىرەگىندە. پاندەميا باستالعالى بەرى وڭىردە 4176 جاعدايى تىركەلدى. ونىڭ 2682 ءسى سيمپتومسىز بولىپ، 1671 ءى ستاتسيونارلىق ەم قابىلدادى.

بۇگىنگى كۇنى ك ۆ ي عا قارسى ۆاكتسيناتسيا رەسەيدە شىعارىلاتىن Sputnik V ۆاكتسيناسىنىڭ كومەگىمەن جۇزەگە اسىرىلادى. كوروناۆيرۋستىق ۆاكتسينانى ەكى كەزەڭمەن 21 كۇن ارالىعىندا جاساۋ مىندەتتى. وعان سەبەپ، ءبىرىنشى دوزا انتيدەنەلەردىڭ از مولشەرىن وندىرۋگە بايلانىستى قىسقا مەرزىمدى قورعانىس اسەرىن بەرەدى.

ەكىنشى دوزا ءبىرىنشىنىڭ اسەرىن كۇشەيتەدى جانە ادام اعزاسىنداعى انتيدەنەلەردىڭ مولشەرى ارتادى. ەستەرىڭىزگە سالا كەتەيىك، قازاقستاندا ۆاكتسيناتسيا ەرىكتى تۇردە سالىنادى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابىنا سايكەس كەز كەلگەن مەديتسينالىق پروتسەدۋرا، ونىڭ ىشىندە ۆاكتسيناتسيالانعان ادامنىڭ سانالى كەلىسىمىمەن عانا جۇزەگە اسىرىلادى. ەلىمىزدە ەگۋدەن باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك جوق.