اقان ساتايەۆ «توميريس» جايلى: فيلمدى ءبىر ۋاقىتتا 800 اداممەن تۇسىرگەن كەزدەر بولدى
«93 كۇن ءتۇسىرىلدى. جالپى جوبانى شىعارۋ كەزەڭى ەكى جارىم جىلعا سوزىلدى. كەي كۇندەرى ءتۇسىرىلىم الاڭىندا ءبىر ۋاقىتتا 800 ادامعا جۋىق كىسى بولدى. شىعارماشىلىق توپتىڭ قۇرامىندا ەڭ كوپ دەگەندە 400 ادام بولدىق. ءتورت ۇلكەن لوكاتسيامىز - ءشۇنجا، قاپشاعاي جانە الماتى، كوكشەتاۋ. ءبىز ەڭ باسىندا مۇمكىن، ۆاۆيلون، كير پاتشاسى بار كينو بولىكتەرىن ماروككودا تۇسىرەمىز دەپ ويلاعانبىز. ءبىراق، ءبىزدىڭ سۋرەتشىلەرىمىز بارىپ، ول جاقتىڭ دەكوراتسيالارىن كورىپ كەلگەننەن كەيىن كىشكەنە قاراجات جاعىن ۇنەمدەۋ تۋرالى شەشىم قابىلداندى» ، - دەدى فيلم رەجيسسەرى اقان ساتايەۆ و ك ق- دا وتكەن باسپا ءسوز ءماسليحاتىندا.
رەجيسسەر ءوز سوزىندە بۇل فيلم الميرا تۇرسىن ءۇشىن دەبيۋتتى فيلم ەكەنىن اتاپ ءوتتى.
«الميرا كينو تابالدىرىعىن ەندى عانا اتتاپ وتىر. ءبىراق، مەنىڭ سەنىمىم مول - ەرتەڭنەن باستاپ ءبىزدىڭ كينومىزدا جاڭا جۇلدىز پايدا بولدى دەپ تولىعىمەن ايتا الامىن» ، - دەدى ول.
ەسكە سالا كەتسەك، رەجيسسەر اقان ساتايەۆ وسى جازدا «توميريس» فيلمىنىڭ ترەيلەرىن جاريالاعان بولاتىن. ترەيلەردە جاقىندارىنان ايىرىلعان كىشكەنتاي ءتوميريستىڭ ساق پاتشايىمى لاۋازىمىنا دەيىنگى ءومىر جولى كورسەتىلەدى. وندا ساق تايپالارىنىڭ پارسى پاتشاسى كيرگە قارسى جورىعى كورىنىس تاپقان جانە كەيىپكەرلەر ەجەلگى تۇركى، ەجەلگى پارسى تىلدەرىندە سويلەيدى
فيلمگە ەلىمىزدىڭ تانىمال كينوجۇلدىزدارى ديماش احيموۆ، ەرىك جولجاقسىنوۆ، بايكەنجە بەلبايەۆ، بەرىك ايتجانوۆ، ەركەبۇلان دايىروۆ، مۇرات بيسەمبين، ازامات ساتىبالدى، ءادىل احمەتوۆ، ايجان لايدجي، ايان وتەپبەرگەن، اسىلحان تولەپوۆ، اسحات ۇرپەكوۆتەر تۇسكەن.
فيلم 27 - قىركۇيەكتەن باستاپ پروكاتقا شىعادى.
