اقمولا وبلىسىندا 800 گەكتاردان استام جەر وتقا وراندى
وبلىستىق ت ج د باسپا ءسوز قىزمەتىنەن ءمالىم ەتكەندەي، 8 - تامىز كۇنى ساعات 21:15 شاماسىندا ەرەيمەنتاۋ اۋدانىنداعى قويتاس اۋىلدىق وكرۋگىنىڭ اۋماعىندا 650 گەكتار دالالىق القاپتا ءورت شىقتى.
«ءتىلسىز جاۋدى اۋىزدىقتاۋعا ت ج د جەكە قۇرامىنان 29 ادام مەن 5 ارنايى ءورت ءسوندىرۋ تەحنيكاسى، «KazHorseMugalzhar» ج ش س- نىڭ 55 جۇمىسشىسى جانە جەرگىلىكتى اتقارۋشى ورگانداردىڭ قىزمەتكەرلەرى تارتىلدى. بۇگىن تاڭەرتەڭ ساعات 09:00 شاماسىندا ءورت ءسوندىرىلدى»، - دەيدى ۆەدومستۆودان.
بۇدان بولەك، وسى اۋىلدىق وكرۋگ اۋماعىندا ورنالاسقان قاراتال جانە ماساقپاي جايلاۋىندا دا ءورت شىققان. جالىن 200 گەكتار اۋماققا تاراعان.
«قازىرگى كەزدە مۇندا ءورت ءسوندىرۋ شارالارى جۇرگىزىلۋدە. بۇعان ت ج د جەكە قۇرامىنان 50 ادام مەن 11 ارنايى تەحنيكا، «ەرەيمەنتاۋ» ورمان شارۋاشىلىعىنىڭ 14 جۇمىسشىسى مەن 3 تەحنيكاسى، جەرگىلىكتى اتقارۋشى ورگانداردىڭ 112 قىزمەتكەرى مەن 18 تەحنيكاسى جۇمىلدىرىلدى»، - دەپ تولىقتىردى ۆەدومستۆودان.
سونىمەن قاتار، اقمولا وبلىستىق ت ج د- دا ەرەيمەنتاۋ اۋدانىنداعى دالا ءورتىن ءسوندىرۋ بويىنشا جەدەل شتاب قۇرىلدى. جاعدايدى ءوڭىردىڭ ت ج د باسشىسى ءوز باقىلاۋىنا الدى.
اۆتور: اسلان وسپانوۆ
