ءۇندىستانعا سۇراپىل داۋىل تاياپ قالدى: 800 مىڭ ادام ەۆاكۋاتسيالاندى
نۇر-سۇلتان. قازاقپارات - ءۇندىستاننىڭ شىعىسىندا ورنالاسقان وريسسا شتاتىنىڭ بيلىگى جاقىنداپ كەلە جاتقان «فينا» تسيكلونىنا بايلانىستى جاعالاۋ ماڭىندا تۇراتىن 800 مىڭ ادامنىڭ ەۆاكۋاتسيالاناتىندىعىن ءمالىم ەتتى، دەپ حابارلايدى قازاقپارات Times of India گازەتىنە سىلتەمە جاساپ.
ەۆاكۋاتسيا بەيسەنبى كەشكە قاراي اياقتالۋى ءتيىس، دەپ اتاپ ءوتتى باسىلىم. ادامداردى ارنايى جابدىقتالعان ورتالىقتارعا، ءبىلىم بەرۋ مەكەمەلەرى مەن باسقا دا عيماراتتارعا ورنالاستىرىپ جاتىر.
«فاني» شتات جاعالاۋىنا جۇما كۇنى كۇندىز جەتەدى دەپ جوسپارلانىپ وتىر. داۋىلدىڭ جىلدامدىعى ساعاتىنا 200 شاقىرىمعا جەتۋى مۇمكىن. جاعالاۋ ماڭىنداعى اۋدانداردا قاتتى جاڭبىر جاۋۋى ىقتيمال، دەپ حابارلادى گازەت ءۇندىستاننىڭ مەتەورولوگيالىق دەپارتامەنتىنە (IMD) سىلتەمە جاساپ.