يندونەزيادا تاۋدا قالىپ قويعان 800 تۋريستىڭ اراسىندا قازاقستاندىقتار جوق - س ءى م
«دجاكارتاداعى ءبىزدىڭ كونسۋلعا يندونەزيا قۇتقارۋ قىزمەتتەرى ۇسىنعان الدىن الا اقپاراتقا سايكەس، قازا بولعاندار نەمەسە ريندجاني تاۋىندا قالعاندار اراسىندا قازاقستان ازاماتتارى جوق»، - دەپ اتاپ وتىلگەن ق ر سىرتقى ىستەر مينيسترلىگى باسپا ءسوز قىزمەتى حابارلاماسىندا.
ت ا س س اگەنتتىگىنىڭ مالىمەتىنشە، يندونەزياداعى جەر سىلكىنىسىنەن كەيىن ريندجاني جانارتاۋى ماڭىنداعى تاۋدا 800 تۋريست قامالىپ قالعان.
بۇدان بۇرىن حابارلانعانداي، 29 - شىلدەدە ماتارام (319 مىڭ تۇرعىن) قالاسىنىڭ توڭىرەگىندە كۇشى 6,4 بالدىق جەر سىلكىنىسى بولعان ەدى. ءزىلزالانىڭ وشاعى 7,5 شاقىرىم تەرەڭدىكتە ورنالاسقان.
Kyodo اگەنتتىگىنىڭ اقپاراتىنا سايكەس، زارداپ شەككەن اۋداندا تەربەلىسى 5,7-گە دەيىن 11 جەراستى ءدۇمپۋى تىركەلگەن. سونىڭ سالدارىنان، 14 ادام قازا بولىپ، 100-دەن استامى جاراقات الدى.
اۆتور: دامير بايمانوۆ
فوتو: Alex Marine Junyatanakorn / Facebook
اۋدارما: رۋسلان عابباسوۆ
