بوكسشى جانات جاقيانوۆتىڭ فورماسى 800 مىڭ تەڭگەگە ساتىلدى

پەتروپاۆل. قازاقپارات - پەتروپاۆلدا III قايىرىمدىلىق بالى ءوتتى، دەپ حابارلايدى قازاقپارات ءتىلشىسى.
None
None

وڭىرلىك كوممۋنيكاتسيالار قىزمەتىنىڭ حابارلاۋىنشا، ءۇش بالانىڭ ءومىرىن ساقتاپ قالۋ ءۇشىن ۇيىمداستىرىلعان شاراعا سولتۇستىك قازاقستاننىڭ 300 گە جۋىق تۇرعىنى اتسالىسقان. بيىلعى كومەك ۆلاديسلاۆا گولوۆىرينا، ءامىر عابدۋللين جانە كارينا بايمولدينالارعا كورسەتىلەدى.

11 جاستاعى ۆلاديسلاۆا بالالاردىڭ تسەرەبرالدى سال اۋرۋىنان، سپلاستيكالىق ديپلەگيا جانە ەپيلەپسيادان زارداپ شەگەدى. وعان ءسىڭىرىن ۇزارتۋ ءۇشىن وتا جاساۋعا 7 ميلليون تەڭگە قاجەت.

احوندروپلازيامەن كۇرەسىپ كەلەتىن ءامىر عابدۋللينگە بۇعان دەيىن وتا جاسالىپ، اياعى ۇزارتىلعان. بالانىڭ جاعدايى كۇرت ناشارلاعاندىقتان، تاعى دا وتا جاساتۋ ءۇشىن ونى حاركوۆكە شۇعىل تۇردە جەتكىزۋ قاجەت. ءامىردىڭ ۇدايى اۋىراتىن اياعىنا اۋىرسىنۋدى باساتىن ءدارى- دارمەك تە كومەكتەسپەيدى. وعان 3,7 ميلليون تەڭگە قاجەت.

ال 15 جاستاعى كاريناعا ەپيلەپسيا جانە ميداعى كيستوزدى- جابىسقاق وزگەرىس دياگنوزى قويىلعان. ىسىك نەوپەرابەلدى، ءبىراق يسپانيادا ونىڭ ۇستاماسىن توقتاتۋعا بولادى. وعان قاجەتتى اقشانىڭ ءبىر بولىگى جينالعان، ەندى تاعى دا 3 ميلليون تەڭگە قاجەت.

وسىعان وراي وتكىزىلگەن قايىرىمدىلىق اۋكتسيونىنا لوت رەتىندە قولدان جاسالعان بۇيىمدار، جەرگىلىكتى سۋرەتشىلەردىڭ تۋىندىلارى، قازاقستان كوماندالارى مەن سپورتشىلارىنىڭ سپورتتىق اتريبۋتتارى قويىلدى. كەيبىر قاتىسۋشىلار ساتىپ العان لوتتارىن قايتا ساۋداعا شىعاردى.

بەلگىلى بوكسشى جانات جاقيانوۆتىڭ سپورت كيىمىن جەرگىلىكتى كاسىپكەر 800 مىڭ تەڭگەگە ساتىپ الدى. لوتتىڭ باستاپقى باعاسى 50 مىڭ تەڭگە دەپ بەلگىلەندى. جاقيانوۆتىڭ كيىمىنە قوسا بىلعارى قولعابىن دا، تاعى ءبىر كارتينانى ساتىپ العان كاسىپكەر اۋكتسيوندا جالپى 1,4 ميلليون تەڭگە جۇمسادى. ول بوكسشىنىڭ كيىمدەرى مەن قولعابىن بوكس فەدەراتسياسىنا بەرۋگە ۋادە ەتتى.

قايىرىمدىلىق اكسياسىنان 4,6 ميلليون تەڭگە جينالدى.

سوڭعى جاڭالىقتار