ەلورداعا 800 اۆتوبۋس جۇرگىزۋشىسى قاجەت
بۇل جايىندا بۇگىن «استانا LRT» ج ش س باسقارماسىنىڭ ءتوراعاسى تالعات اردان ءمالىم ەتتى، دەپ حابارلايدى قازاقپارات.
«بىزدە جۇرگىزۋشىلەر جەتىسپەيدى. ءبىز استانادا شامامەن 800 ادامدى جۇمىسقا قابىلداۋعا دايىنبىز. «استانا LRT» سەرىكتەستىگىنە جۇگىنەر بولساڭىزدار جۇرگىزۋشى رەتىندە جۇمىسقا قابىلدانۋىڭىزعا كومەكتەسەمىز. ول جاقتا جالاقى جەتكىلىكتى»، - دەدى اردان.
ايتا كەتەرلىگى، اعىمداعى جىلى ەلوردانىڭ بارلىق 9 اۆتوبۋس پاركىنىڭ تارتىپتىك كەڭەستەرىندە جۇرگىزۋشىلەر مەن كوندۋكتورلار تارابىنان بۇزۋشىلىقتارعا قاتىستى 10 مىڭنان استام دەرەك قارالدى. ناتيجەسىندە شامامەن 300 ادام جۇمىستان شىعارىلىپ، 3 مىڭىنا ايىپپۇل سالىندى، تاعى 6,5 مىڭ ادامعا سوگىس جاريالانىپ، ەسكەرتۋ بەرىلدى. بۇگىندە استانادا 81 باعدار بار، ونىڭ ۇزاقتىعى 3500 شاقىرىمدى قۇرايدى. كۇنىنە شامامەن 870 مىڭ جولاۋشى تاسىمالدانادى. قالا تۇرعىندارىنا قىزمەت كورسەتەتىن اۆتوبۋستاردىڭ سانى - 1025.
اۆتور: مارلان جيەمباي
