الەمدە 800 ميلليوننان استام ادام اش- جالاڭاش كۇن كەشۋدە
2000 -جىلى ب ۇ ۇ قابىلداعان مىڭجىلدىق دەكلاراتسياسى 2015 -جىلعا دەيىن ىسكە اسىرىلۋى ءتيىس سەگىز ماقساتتى بەلگىلەيدى. ولاردىڭ ىشىندە كەدەيلىك پەن اشتىقتى جويۋ، باستاپقى بىلىممەن قامتاماسىز ەتۋ، ايەلدەردىڭ ءبىلىم الۋعا، ساياساتقا قولجەتىمدىلىگى، بالا ءولىم- ءجىتىمىن قىسقارتۋ، انا دەنساۋلىعىن جاقسارتۋ مەن ا ي ت ب (ۆ ي چ) جانە بەزگەكپەن كۇرەس بار.
باعدارلامانىڭ قابىلدانعانىنا 15 جىل بولعانىنا قاراماستان، بۇل پروبلەمادان بۇگىندە الەمدە ميلليونداعان ادامدار زارداپ شەگۋدە، دەپ جازادى ۋترو. ru.
«1990 -جىلى دامۋشى ەلدەر حالقىنىڭ جارتىسىنا جۋىعى كۇنىنە 1, 25 دوللارعا كۇنەلتتى. بۇگىندە جوقشىلىقپەن ءومىر سۇرەتىن ادامداردىڭ سانى ەكى ەسەدەي ازايدى (1990 -جىلعى 1,9 ميللياردتان 2015 -جىلى 836 ميلليونعا دەيىن)»، - دەلىنگەن باياندامادا.
ا ي ت ب جاڭا جۇقتىرعاندار سانى سوڭعى 15 جىلدا 40 پايىزعا تومەندەدى (3,5 ميلليوننان 2,1 ميلليونعا دەيىن). بەزگەك جۇقتىرعان 6 ميلليوننان استام ادامنىڭ ءومىرىن ساقتاپ قالۋ مۇمكىندىگى تۋدى (ساحارا وڭتۇستىگىنە قاراي قارا افريكا ەلدەرىندە نەگىزىنەن 5 جاسقا دەيىنگى بالالار).
«جاھاندىق بەزگەك دەڭگەيى 37 پايىزعا تومەندەدى، ءولىم-ءجىتىم ەكى ەسەدەن ارتىق قىسقاردى»، - دەپ اتاپ وتىلگەن قۇجاتتا. تۋبەركۋلەزدەن ءولىم-ءجىتىم 45 پايىزعا قىسقاردى. 2000 -جىلدان باستاپ اۋرۋدى انىقتاۋ، ەمدەۋ ناتيجەسىندە 37 ميلليون ادامنىڭ ءومىرى قۇتقارىلدى.
بۇگىندە باستاۋىش سىنىپ جاسىنداعى 57 ميلليونعا جۋىق بالا مەكتەپكە بارا الماۋدا. 10 جىل بۇرىن، ەسەپكە سايكەس، بۇل كورسەتكىش 100 ميلليوندى قۇراعان. بۇل رەتتە ايەلدەردىڭ ءبىلىم الۋداعى ەلەۋلى تابىستارى اتاپ وتىلەدى. «174 قارالعان مەملەكەتتەردىڭ ىشىنەن 90 پايىز ەلدە قىزدار مەكتەپكە بارىپ، ايەلدەر پارلامەنتتىك وكىلدىك العان»، - دەپ اتاپ وتىلەدى قۇجاتتا.
ب ۇ ۇ باس حاتشىسىنىڭ كەڭەسشىسى، ەكونوميست دجەففەري ساكس: «الەم بايلىققا تولى بولسا دا، كەدەي ادامدار ازايار ەمەس، ومىردە مۇمكىن ەمەس دەگەن ەشتەڭە جوق»، - دەپ مالىمدەدى، ب ۇ ۇ- دا ءسوز سويلەگەن كەزدە.
«ماسەلە، حانىمدار مەن مىرزالار، ءبىزدىڭ بەي- جايلىعىمىزدا. ءبىز نارىق، جارناما، جەكە مۇددە، دۇنيەقوڭىزدىقتىڭ شەڭبەرىنەن شىعا المايمىز. بۇل وتە قاۋىپتى»، - دەدى ول.
ول 5 جاسقا دەيىنگى بالالار اراسىندا ءولىم- ءجىتىمنىڭ ازايعانىن اتاپ ءوتىپ، مدم تابىسىنا دا توقتالىپ ءوتتى. «50 پايىزعا قىسقارتۋ - جاقسى ناتيجە. الايدا 6 ميلليون بالا كوز جۇمدى. سەبەبى ولاردىڭ ءومىرىن ساقتاپ قالۋ ءۇشىن ءتيىستى دارەجەدە دەن قويا بىلمەدىك»، - دەپ مالىمدەدى ول.
