جاپونيادا 800 مىڭداي عالىم بار
بۇل دامىعان ەلدەردىڭ اراسىنداعى ەڭ جوعارى كورسەتكىش. دۇنيەجۇزى بويىنشا عىلىمدى قولداۋ جونىنەن جاپونيا ءبىرىنشى ورىندى ەشكىمگە بەرمەي كەلەدى. بۇل ەلدە 800 مىڭداي عالىم بار. پاتەنت يەلەرىنىڭ سانى جونىنەن دە جاپونيا جەتەكشى ورىندا.
عىلىمي جانە وندىرىستىك جاڭالىقتارى ءۇشىن بۇل مەملەكەتتىڭ عالىمدارى 300 مىڭنان استام پاتەنت العان.
عىلىمعا قۇيىلاتىن ينۆەستيتسيا كولەمى جونىنەن الدىڭعى ورىندا تۇرعان جاپونيانىڭ جوعارى وقۋ ورىندارى ءوندىرىس وشاقتارىمەن تىعىز بايلانىس ورناتقان. ءار ۋنيۆەرسيتەتتە عىلىمي-زەرتتەۋ ورتالىقتارى اشىلعان. ءتىپتى تەحنيكانىڭ وزىق ۇلگىلەرىنە قاتىستى جوبالار ج و و ارقىلى جۇزەگە اسادى.
ماسەلەن، توكيونىڭ تەحنولوگيالىق ۋنيۆەرسيتەتى جانىنداعى عىلىمي ورتالىق جاڭا زاماندىق روبوتتارىمەن تانىمال. جاپون عالىمدارى شەت ەلگە ءجيى-ءجيى شىعىپ، دارىستەر وقىپ، تاجىريبەسىمەن ءبولىسىپ تۇرادى. بۇل ەلدە گۋمانيتارلىق سالادان گورى جاراتىلىستانۋ، تەحنيكالىق عىلىمدار كەڭ قۇلاش جايعان.
شارافات جىلقىبايەۆا
«قامشى»
