الماتىلىق تاۋار وندىرۋشىلەر «سامۇرىق- قازىنا» توبىنا 800 ميلليارد تەڭگەنىڭ تاۋارلارى مەن قىزمەتتەرىن ۇسىندى
بۇل جىلدا قول قويىلاتىن ءوزارا ىنتىماقتاستىق تۋرالى مەموراندۋمنىڭ ارقاسىندا مۇمكىن بولدى. وسىنداي پىكىردى بۇگىن اكىمدىكتە وتكەن جيىن بارىسىندا قالا باسشىسى احمەتجان ەسىموۆ ءبىلدىردى.
ەستەرىڭىزگە سالا كەتەيىك، الماتى قالاسىنىڭ اكىمدىگى مەن «سامۇرىق- قازىنا» ءال- اۋقات قورى 6 جىلدان بەرى مەملەكەتتىك ساتىپ الۋ تۋرالى ءوزارا كەلىسىم اياسىندا ءتيىمدى جۇمىس جاساپ كەلەدى.
قازىر الماتىلىق تاۋار وندىرۋشىلەردىڭ مەملەكەتتىك ساتىپ الۋداعى ۇلەسى ونىڭ ۇشتەن ءبىر بولىگىن قۇرادى. بيىل وڭتۇستىك استانالىق كاسىپورىندار 750 ميلليارد تەڭگەنىڭ تاۋارلارى مەن قىزمەتتەرىن ۇسىنعان.
قالا باسشىسى 6 جىل بۇرىن بۇل كورسەتكىش 250 ميلليارد تەڭگە بولعانىن اتاپ ءوتتى.
«اۋقىمدى جۇمىس تەك تاۋار جەتكىزۋدە عانا ەمەس، ينجەنەرلىك جەلىلەردى جاڭعىرتۋدا دا اتقارىلىپ وتىر. «سامۇرىق- قازىنا» قورىنىڭ 7,2 ميلليارد تەڭگە ءبولۋىنىڭ ارقاسىندا جەكە سەكتوردى گازداندىرۋ 95 پايىزعا جەتتى. سونداي- اق ەلەكتر ەنەرگەتيكاسى سالاسىندا 80 ميلليارد تەڭگە سالىندى. سونىڭ ارقاسىندا قازىر الماتى كاسىپورىندارى ەلەكتر ەنەرگياسىنان تارشىلىق كورىپ وتىرعان جوق» ، - دەدى ا. ەسىموۆ.
قالا باسشىسى مۇنداي جاڭعىرتۋلاردىڭ قالا ەكونوميكاسىنا ءتيىمدى اسەر ەتەتىنىن اتاپ ءوتتى.
«سوڭعى 9 ايدا ونەركاسىپ - 3%- عا، قۇرىلىس سالاسى - 21%- عا، جۇك اينالىمى - 12%- عا، ساۋدا 9%- عا وسكەن. وسى ۋاقىت ارالىعىنداعى ج ا ءو 4,6-4,8 ترليون تەڭگەنى قۇراپ، 8%- عا ءوستى» ، - دەپ قورىتىندىلادى ا. ەسىموۆ.
قالا اكىمىنىڭ ورىنباسارى ەربول شورمانوۆتىڭ ايتۋىنشا، الماتىلىق جەتكىزۋشىلەر «قازمۇنايگاز» ا ق- نا 204 ميلليارد تەڭگەنىڭ، «قازاقستان تەمىر جولى» اق- نا 142 ميلليارد تەڭگەنىڭ، «سامۇرىق- ەنەرگو» اق- نا 101 ميلليارد تەڭگەنىڭ تاۋارلارى مەن قىزمەتتەرىن جەتكىزگەن.
«بيىلدىڭ وزىندە ءبىرقاتار ينۆەستيتسيالىق جوبالار جۇزەگە اسپاق. ج ە و-2-دە قازاندىق اگرەگاتىن سالۋعا «سامۇرىق- قازىنا» قورى 9,6 ميلليارد تەڭگە باعىتتادى. سونداي- اق «كوكجايلاۋ» ت ش ك ەلەكتر ەنەرگياسىمەن قامتاماسىز ەتۋگە باعىتتالعان قۇنى 10 ميلليارد تەڭگە بولاتىن ۇلكەن جوبانى باستاپ وتىرمىز»، - دەدى قالا اكىمىنىڭ ورىنباسارى ەربول شورمانوۆ.
سونداي- اق ەربول شورمانوۆ جاڭادان اشىلعان ناۋرىزباي اۋدانىندا 2 ەلەكتر شاعىن ستانساسىنىڭ قۇرىلىسى جوبالانىپ وتىرعانىن ايتتى.
اۆتور: گۇلميرا عوسمانالي
