قىرعىزستاندا ءزىلزالا سالدارىنان 800 گە جۋىق ءۇي ءبۇلىندى
قىرعىزستاندا جەر سىلكىنىسى 14 - قاراشادا بولعان ەدى.
ىستىقكول وبلىسىنىڭ ازاماتتىق قورعانىس كوميسسياسى 1194 ءۇيدى تەكسەردى. كوپشىلىگى زاقىمدانعان. زالالدىڭ ناقتى شىعىنى انىقتالىپ جاتىر، ءزىلزالادان بۇلىنگەن ۇيلەردىڭ تۇرعىندارىنا وتەماقى ءبولۋ تۋرالى شەشىم شىقتى.
كوميسسيا وكىلدەرىنىڭ ايتۋىنشا، جەر سىلكىنىسىنىڭ ەپيتسەنترىندە اۋىلداعى ەسكى قۇرىلىستار بولعان. مەكتەپتەردە ازىرشە ساباقتار بولىپ جاتقان جوق، ماماندار مەكتەپتەردىڭ قانشالىقتى قاۋىپسىز ەكەنىن انىقتايدى. اۋىل تۇرعىندارى ءوز ۇيلەرىن تەكسەرتۋگە ءوتىنىش ءتۇسىرىپ جاتىر.
ايتا كەتەيىك، قىرعىزستانداعى جەر سىلكىنىسى الماتىدان وڭتۇستىككە قاراي 130 شاقىرىم قاشىقتىقتا بولدى. وڭتۇستىك استانادا جەراستى دۇمپۋلەرى 3-5 بالل تۇرىندە سەزىلدى. ەۋروپا - جەرورتا تەڭىزى سەيسمولوگيا ورتالىعىنىڭ مالىمەتىنشە، جەر سىلكىنىسىنىڭ ەپيتسەنترى قىرعىزستان اۋماعىندا - شولپان اتا قالاسىنان وڭتۇستىك-شىعىسقا قاراي 40 شاقىرىمدا انىقتالدى. جەراستى دۇمپۋلەرى 47 شاقىرىم تەرەڭدىكتەن باستالعان.
