سىبايلاس جەمقورلىقپەن كۇرەس باعدارلاماسىن تالقىلاۋعا 800 مىڭ قازاقستاندىق اتسالىستى - ب. بايبەك
بۇل تۋرالى بۇگىن «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك حابارلادى.
«2015-2025 - جىلدارعا ارنالعان سىبايلاس جەمقورلىقپەن كۇرەس باعدارلاماسىن تالقىلاۋدا 800 مىڭ ادام - بارلىق باستاپقى پارتيالىق ۇيىمدار، فيليالدار قامتىلدى. ايماقتاردىڭ ساياسي كەڭەستەرىندە ناقتى ۇسىنىستار ەنگىزىلدى، باعدارلاما قولداۋعا يە بولدى. ياعني، اتالعان باعدارلامانى تالقىلاي وتىرىپ، ءبىز قوعامنىڭ پىكىرىن وزگەرتە باستادىق. سەبەبى، ادامنىڭ ويى ماسەلە اشىق تالقىلانعاندا وزگەرەدى»، - دەدى ول.
ب. بايبەك پارتيانىڭ 800 دەن استام ءتۇرلى ۇسىنىستار العانىن جانە باعدارلاما جوسپارىنىڭ 40 پايىزعا دەيىن قايتا جاسالعانىن اتاپ ءوتتى.
«ياعني، بۇل باعدارلامانىڭ جارتىسىنا دەيىن وزگەرتىلدى. ول قۇرىلىمى بويىنشا جاقسارىپ، ناقتىلانا ءتۇستى. ناقتى، قۇندى تىلەكتەر مەن ۇسىنىستار نازارعا الىندى» ، - دەپ تۇيىندەدى ول.
