12:39, 23 - قىركۇيەك 2014 | GMT +5
وزبەكستاننان 800 قوي ايداپ وتپەك بولعان
استانا. قازاقپارات - قازاقستاندىق شەكاراشىلار قازاق- وزبەك شەكاراسى ارقىلى زاڭسىز تۇردە مال ايداپ وتپەك بولعانداردىڭ جولىن كەستى، دەپ حابارلادى ق ر ۇ ق ك شەكارا قىزمەتىنەن.
«سارى اعاش» شەكارا وتريادىنا قاراستى «تامدى» زاستاۆاسىنىڭ ناريادى قىزمەت بارىسىندا ينجەنەرلىك قۇرىلعىلاردىڭ بۇزىلعاندىعىن، كونترابانداشىلاردىڭ وزبەكستاننان ءبىزدىڭ ەلىمىزگە قاراي زاڭسىز جولمەن مال ايداپ وتكەندىگىن انىقتايدى.
جەدەل تۇردە ۇيىمداستىرىلعان ىزدەستىرۋ جۇمىستارىنىڭ ناتيجەسىندە شەكاراشىلار مەملەكەتتىك شەكارادان بىرنەشە شاقىرىمداي قاشىقتىقتا كەتىپ بارا جاتقان ءبىر وتار مالدى بايقاپ، توقتاتادى، ساناعاندا 800 دەن استام قوي بولىپ شىقتى. شەكاراشىلاردى بايقاعان مال ايداۋشىلار كورشىلەس مەملەكەتتىڭ اۋماعىنا قاراي قاشىپ، جاسىرىندى.
تەرگەۋ امالدارى جۇرگىزىلۋدە.
