08:55, 23 - قىركۇيەك 2014 | GMT +5
اق ءۇيدىڭ اۋماعىنا باسا-كوكتەي كىرگەن كولىكتەن 800 دەن استام پاترون تابىلدى
استانا. قازاقپارات - اق ءۇيدىڭ قورشاۋىنان ءوتىپ، ا ق ش پرەزيدەنتىنىڭ رەزيدەنسياسىنا ءبىر-اق جەتكەن ومار گونزالەستىڭ كولىگىنەن 800 دەن استام پاترون، ەكى بالتا مەن پىشاق تاركىلەندى.
بۇل تۋرالى فەدەرالدىق پروكۋرور ءمالىم ەتتى، دەپ حابارلايدى يتار-تاسس.
بۇدان بۇرىن دا ول شىلدە ايىندا مەرگەندەر مىلتىعىمەن جانە كارتامەن تۇتقىندالعانىن اق ءۇي اتاپ وتەدى.
19 - قىركۇيەكتە قۇپيا قىزمەتى تەحاس شتاتىنىڭ تۇرعىنى 42 جاستاعى گونزالەستى تۇتقىندادى، ول اق ءۇي قورشاۋىنان ءوتىپ كەتىپ، ا ق ش پرەزيدەنتى رەزيدەنسياسىنىڭ كىرەبەرىسىنە دەيىن جەتكەن. الايدا ونى كۇزەتشىلەر ۇستاپ ۇلگەردى.
وباما ول كەزدە وتباسىمەن بىرگە بىرنەشە مينۋت بۇرىن اق ۇيدەن شىعىپ، مەريلەند شتاتىندا قالا سىرتىنداعى رەزيدەنسياسىنا كەتكەن بولاتىن.
