عالامتوردا تانىسقان قىزبەن تەلەفون ارقىلى سويلەسكەن قاراعاندىلىق 800 مىڭ تەڭگەگە قارىزعا باتقان
عالامتور ارقىلى تانىسقان قىزدى ۇناتقان ولار عاشىعىمەن تەلەفونمەن تىلدەسىپتى. ءبىراز ۋاقىت سىرلاسقاننان كەيىن جىگىتتەردى ءتانتى قىلعان سىلقىم ۇشتى- كۇيلى جوعالادى. سەزىمدەرى سەرگەلدەڭگە تۇسكەن سەرىلەر ارتىنشا «قازاق تەلەكومعا» قارىز ەكەندەرىن ەستىپ جاعاسىن ۇستاعان.
سالى سۋعا كەتكەن جىگىتتەر بۇل تەلەفون قوڭىراۋىنىڭ اقىلى ەكەندىگىن ەشكىم ەسكەرتپەگەندىگىن ايتىپ اقتالۋدا. ءبىراق، مۇنى دالەلدەۋ مۇمكىن بولماي وتىر.
الەۋمەتتىك جەلىلەر ارقىلى تانىسقان يۋليا ەسىمدى بەيتانىس بويجەتكەن، جىگىتتەردى سىڭعىرلاعان داۋسىمەن باۋراپ الىپتى. سەرىلەردىڭ بارلىعى دا يۋليانىڭ قيىلعان وتىنىشىنەن كەيىن، بىردەن تەلەفون تۇتقاسىنا جارماسقانىن ايتىپ اقتالۋدا.
«مەن تانىسقان يۋليا گرادوۆانىڭ تەلەفون ءنومىرى 88090805055. كوممۋتاتور تەلەفوننىڭ اقىلى ەكەندىگىن، ءبىراق قازاقستان بويىنشا تەگىن ەكەندىگىن ەسكەرتتى. وسىدان كەيىن ءبىز ارمانسىز سىرلاستىق. وسىلايشا، 800 مىڭ تەڭگە بەرەشەك بولىپ شىعا كەلدىم»، - دەيدى جابىرلەنۋىشى دميتريي بەلۋگين.
كەيىن وسىنداي تەلەفون قوڭىراۋىنىڭ ءبىر مينۋتى 1 مىڭ 120 تەڭگە ەكەنى ءمالىم بولعان. ەندى «قازاق تەلەكوم» قارىزىن قايتارۋدى تالاپ ەتۋدە. بەيتانىس بيكەش ءبىر ەمەس، بىرنەشە جىگىتتى الداپ سوققان.
شاعىمدانۋشىلاردىڭ بارلىعى دا بويجەتكەنمەن ءومىر، ادامگەرشىلىك تۋرالى سىرلاسقانىن، باسقا ەشقانداي قىزمەتتى پايدالانباعانىن ايتادى. كەيىن تەكسەرە كەلە داۋلى ءنومىردىڭ جەكە مەكەمەگە تيەسىلى ەكەندىگى انىقتالىپتى.
جابىرلەنۋشى ۆيتاليي وبۋحوۆ: «قازاق تەلەكوم» - داعىلارعا كوك تيىن دا تولەمەيمىن. ويتكەنى، سويلەسۋ تەگىن ەكەندىگىن وزدەرى ءاۋ باستا ايتقان» ، - دەيدى.
جابىرلەنۋشىلەر جان- جاققا شاعىمدانعالى بەرى ءۇش اي وتكەننەن كەيىن وبلىستىق ىشكى ىستەر دەپارتامەنتى قىلمىستىق ءىس قوزعادى. كەيبىر مالىمەتتەرگە سۇيەنسەك، مۇنداي تۇزاققا 160 تان استام ادام الدانىپ قالعان.
ال قازىر داۋعا اينالعان تەلەفون ءنومىرى ءوشىرۋلى.
