12:17, 26 - ماۋسىم 2014 | GMT +5
رامازان ايىندا قالا باسشىسى تۇرمەدە وتىرعان 800 دەن استام ادامعا راقىمشىلىق جاساماق
ءابۋ- دابي. قازاقپارات - ب ا ءا-نىڭ ۆيتسە-پرەزيدەنتى مەن پرەمەر-ءمينيسترى م. ال ماكتۋم دۋباي باسشىسى رەتىندە امىرلىك پەن شەتەلدىڭ 892 سوتتالۋشىسىن 27 - ماۋسىم كۇنى باستالاتىن رامازان ايىنا بايلانىستى تۇزەتۋ جانە جازالاۋ مەكەمەلەرىنەن بوساتۋعا بۇيرىق بەردى.

دۋبايدىڭ باس پروكۋرورى ەسسام ەيسا ءال حۋمايدان امىرلىكتىڭ پوليتسياسى مەن قاداعالاۋشى ورگانى شەيح موحاممەدتىڭ جارلىعىن ورىنداۋعا كىرىسكەنىن مالىمدەدى. دەگەنمەن، ب ا ءا پروكۋراتۋراسى سوتتالۋشىلاردىڭ قاي ساناتى امنيستياعا ىلىگەتىنى جايلى ناقتىلاعان جوق.