80 كەلى شاياندى زاڭسىز اۋلاعان ب ق و تۇرعىندارى ۇستالدى
اقتوبە وبلىسىنىڭ پوليسەيلەرى 80 كەلى شاياندى زاڭسىز اۋلاعان ب ق و تۇرعىندارىن ۇستادى. Kazinform بۇل تۋرالى polisia.kz-كە سىلتەمە جاساپ حابارلايدى.
12-قازاندا اقتوبە وبلىسى ويىل اۋدانىنىڭ اقكەمەر اۋىلىنان 5 شاقىرىم جەردە پوليتسيا قىزمەتكەرلەرى وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرىمەن بىرلەسە وتىرىپ، قيىل وزەنىنىڭ ارناسىندا بالىق رەسۋرستارىن زاڭسىز اۋلاعان باتىس قازاقستان وبلىسىنىڭ ەكى تۇرعىنىن ۇستادى. ۇستالعانداردان جالپى سالماعى 80 كەلىدەن اساتىن 5 قاپ شايان تاركىلەندى. وسى فاكتى بويىنشا ق ر ق ك- ءنىڭ 335-بابىنىڭ 1-بولىگى بويىنشا سوتقا دەيىنگى تەرگەۋ باستالدى.
جىل باسىنان بەرى پوليتسيا قىزمەتكەرلەرى رەيدتىك جۇمىستار بارىسىندا سيرەك كەزدەسەتىن جانە قۇرىپ كەتۋ قاۋپى تونگەن وسىمدىكتەردى، جانۋارلاردى، ولاردىڭ بولىكتەرىن نەمەسە دەريۆاتتارىن پايدالانۋعا تىيىم سالۋ تالاپتارىن بۇزۋدىڭ 17 فاكتىسى، بالىق رەسۋرستارىن، باسقا دا سۋ جانۋارلارىن نەمەسە وسىمدىكتەرىن زاڭسىز پايدالانۋدىڭ 2 فاكتىسى، زاڭسىز اڭ اۋلاۋعا قاتىستى 2 فاكتى جانە اعاشتار مەن بۇتالاردى زاڭسىز كەسۋگە بايلانىستى 1 فاكتىنىڭ جولىن كەستى.
