جاپونيادا 80 جاسقا تولعان تۇرعىنداردىڭ سانى 10 ميلليوننان استى

استانا. قازاقپارات - جاپونيادا 80 جاسقا تولعان جانە ودان دا كوپ ءومىر سۇرگەن تۇرعىنداردىڭ سانى العاش رەت 10 ميلليوننان استى.

بۇل تۋرالى ەلدىڭ ىشكى ىستەر جانە كوممۋنيكاتسيالار مينيسترلىگى قىركۇيەكتىڭ ءۇشىنشى دۇيسەنبىسىنە اتالىپ وتەتىن قارتتىققا قۇرمەت كۇنىنە وراي مالىمدەدى، دەپ حابارلايدى rg.ru.

80 جاسقا تولعان جانە ودان اسقان جاپوندىقتاردىڭ سانى 10,2 ميلليون ادامدى نەمەسە حالىقتىڭ 7,9 پايىزىن قۇراپ وتىر. بۇل ستاتيستيكا جۇرگىزىلە باستاعان 1950-جىلدان بەرگى ەڭ جوعارعى كورسەتكىش.

100 جىلدىق مەرەيتويىن اتاپ وتكەن جاپونيا تۇرعىندارىنىڭ سانى 60 مىڭعا جۋىقتايدى. وتكەن جىلى ەلدەگى ەر ادامداردىڭ ورتاشا ءومىر ءسۇرۋ ۇزاقتىعى 80,21 جاستى قۇراعان، ال ايەلدەردىڭ ورتاشا جاسى - 86,6.

bnews.kz