8-ناۋرىز: 6000 داي اقمولالىق كوپبالالى اناعا ءبىرجولعى تولەم بەرىلەدى

كوكشەتاۋ. قازاقپارات - 8-ناۋرىز مەرەكەسىنە وراي التى مىڭعا جۋىق اقمولالىق كوپبالالى اناعا 2 دەن 5 ا ە ك-كە دەيىنگى مولشەردە ءبىرجولعى تولەم بەرىلەدى.

اقمولا وبلىسىنىڭ جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ مالىمەتىنشە، الەۋمەتتىك كومەك كورسەتۋ، ونىڭ مولشەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيدالارىنا سايكەس وبلىستىڭ توعىز وڭىرىندە 8-ناۋرىزعا دەيىن تولەمدەر انىقتالدى. ونى «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان كوپ بالالى انالارى الادى. مۇنداي ايەلدەردىڭ سانى التى مىڭعا جۋىق.

«اقمولا وبلىسىنىڭ توعىز وڭىرىندە: كوكشەتاۋ، ستەپنوگور، بۋراباي، ءبىرجان سال، ەسىل، جاقسى، جارقايىڭ، زەرەندى جانە ساندىقتاۋ اۋداندارىندا جالپى سوماسى 101,2 ملن تەڭگەگە 2-دەن 5 اەك مولشەرىندە تولەمدەر جاساۋ كوزدەلگەن»، - دەدى اقمولا وبلىسىنىڭ جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ قىزمەتكەرى بەكزات كوشكەنوۆا.

ايتۋىنشا، كوكشەتاۋ جانە ستەپنوگور قالالارىندا كوپ بالالى انالار 5 ا ە ك (18460 ت گ) مولشەرىندە تولەم الادى.

ايتا كەتسەك، بۇدان بۇرىن اقمولا وبلىسىندا بورىشكەرلەردەن 70 ميلليون تەڭگە اليمەنت بەرەشەگى ءوندىرىپ الىنعانىن جازعان ەدىك.

 

اۆتور
اسلان وسپانوۆ