ەلوردادا 8-9- ماۋسىم ارالىعىندا استانا حالىقارالىق فورۋمى وتەدى

None
استانا. قازاقپارات - ەلوردادا 8-9- ماۋسىم ارالىعىندا استانا حالىقارالىق فورۋمى وتەدى، - دەپ حابارلايدى Massaget.kz ءتىلشىسى ۇلتتىق ەكونوميكا مينيسترلىگىنە سىلتەمە جاساپ.

فورۋمنىڭ باستى تاقىرىبى - «ديالوگ ارقىلى سىن-قاتەرلەردى ەڭسەرۋ: ىنتىماقتاستىق، دامۋ جانە پروگرەسس جولىندا».

حالىقارالىق ءىس-شارا اسا ماڭىزدى جاھاندىق ماسەلەلەردى شەشۋگە باعىتتالعان. اتاپ ايتقاندا، بۇگىنگى الەمدىك احۋال، گەوساياسي شيەلەنىستىڭ ارتۋى جانە مەملەكەتارالىق ىنتىماقتاستىقتىڭ ءداستۇرلى ۇلگىلەرىنىڭ تۇبەگەيلى وزگەرۋىنە بايلانىستى بۇرىن-سوڭدى بولماعان سىن-قاتەرلەرگە بىرلەسىپ جاۋاپ ىزدەۋ. وسى ماقساتتا الەمدىك قوعامداستىقتىڭ كۇش-جىگەرىن بىرىكتىرۋ.

فورۋمعا قاتىساتىن قۇرمەتتى قوناقتار ءتىزىمى: كاتار مەملەكەتىنىڭ ءامىرى شەيح تاميم بين حاماد ءال تاني، قىرعىز رەسپۋبليكاسىنىڭ پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا تسۆيانوۆيچ، دۇنيەجۇزىلىك ساۋدا ۇيىمىنىڭ (د س ۇ) باس ديرەكتورى نگوزي وكوندجو-يۆەالا، بىرىككەن ۇلتتار ۇيىمىنىڭ ءبىلىم، عىلىم جانە مادەنيەت جونىندەگى باس ديرەكتورى (يۋنەسكو) ودرە ازۋلە، بىرىككەن ۇلتتار ۇيىمى باس حاتشىسىنىڭ ورىنباسارى، ازيا جانە تىنىق مۇحيتى ءۇشىن ەكونوميكالىق جانە الەۋمەتتىك كوميسسيانىڭ (ەسكاتو) اتقارۋشى حاتشىسى ارميدا اليسجاحبانا، حالىقارالىق ۆاليۋتا قورىنىڭ (ح ۆ ق) باسقارۋشى ديرەكتورى كريستالينا گەورگيەۆا، ب ۇ ۇ- نىڭ ەۋروپا، ورتالىق ازيا جانە سولتۇستىك جانە وڭتۇستىك امەريكا ىستەرى جونىندەگى باس حاتشىسىنىڭ ساياسي جانە بەيبىتشىلىك ماسەلەلەرى جونىندەگى دەپارتامەنتىنىڭ (دپۆم) كومەكشىسى ميروسلاۆ انيچا، ب ۇ ۇ دامۋ باعدارلاماسىنىڭ ەۋروپا مەن تاۋەلسىز مەملەكەتتەر دوستاستىعىنا ارنالعان ايماقتىق بيۋرونىڭ باس حاتشىسىنىڭ كومەكشىسى، اكىمشىسىنىڭ كومەكشىسى جانە ديرەكتورى يۆانا جيۆكوۆيچ، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) باس حاتشىسى حەلگا شميد، ە ق ى ۇ پارلامەنتتىك اسسامبلەياسىنىڭ ءتوراعاسى مارگارەتا سەدەرفەلت، شانحاي ىنتىماقتاستىق ۇيىمىنىڭ (ش ى ۇ) باس حاتشىسى چجان مين، شانحاي ىنتىماقتاستىق ۇيىمىنىڭ (ش ى ۇ) باس حاتشىسى، ەۋروپالىق قايتا قۇرۋ جانە دامۋ بانكىنىڭ (ە ق د ب) پرەزيدەنتى وديل رەنو-باسسو، ازيا دامۋ بانكىنىڭ پرەزيدەنتى (ا د ب) ماساتسۋگۋ اساكاۆا، بىرىككەن اراب امىرلىكتەرىنىڭ ەنەرگەتيكا جانە ينفراقۇرىلىم ءمينيسترى سۋحايل مۇحاممەد فارادج ءال مازرۋي مىرزا، ەۋروپالىق اۋىل شارۋاشىلىعى كوميسسارى يانۋش ۆويتسەحوۆسكي، ەفيوپيانىڭ بۇرىنعى پرەزيدەنتى مۋلاتۋ تەشومە مىرزا، بۋركينا-فاسونىڭ بۇرىنعى پرەمەر-ءمينيسترى لاسينا زەربو مىرزا، شۆەيتساريالىق ديپلومات جانە ە ق ى ۇ- نىڭ بۇرىنعى باس حاتشىسى توماس گرەمينگەر، SP Global ءتوراعاسىنىڭ ورىنباسارى دانيەل ەرگين، Ban Ki-moon Foundation for a Better Future قورىنىڭ ديرەكتورى جانە كورەيا رەسپۋبليكاسىنىڭ كليماتتىڭ وزگەرۋى جونىندەگى بۇرىنعى كەڭەسشىسى راە كۆون چۋنگ.

فورۋمعا 1000 نان اسا شەتەلدىك قوناقتار كەلەدى.

قانداي ماسەلەلەر تالقىلانادى؟

سىرتقى ساياسات جانە حالىقارالىق قاۋىپسىزدىك؛

حالىقارالىق دامۋ جانە تۇراقتىلىق؛

ەنەرگەتيكا جانە كليماتتىڭ وزگەرۋى؛

ەكونوميكا جانە قارجى.

40 تان اسا پانەلدىك سەسسيا، بەيرەسمي پىكىرتالاس جانە مازمۇندى جيىندار وتەدى. فورۋمنىڭ ستراتەگيالىق سەرىكتەستەرى – ب ۇ ۇ جانە CNN.

ق ر ۇكىمەتى ۇيىمداستىرعان فورۋم كونگرەسس-ورتالىقتا (EXPO) وتەدى.

ەگەر ءسىز فورۋمعا قاتىسۋعا مۇددەلى بولساڭىز نەمەسە سەرىكتەستىك تۋرالى قوسىمشا اقپارات العىڭىز كەلسە، مىنا سايت ارقىلى حابارلاسىڭىز. استانا حالىقارالىق فورۋمىنىڭ سايتى: https://astanainternationalforum.org