قازاقستانداعى التىن ءوندىرىسى قاڭتار ايىندا 8,7 پايىزعا ارتتى

استانا. قازاقپارات - قازاقستاندا 2018 -جىلعى قاڭتار ايىندا وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى التىن ءوندىرىسى 5978 كەلىگە جەتتى. بۇل 2017 -جىلمەن سالىستىرعاندا 8,7 پايىزعا كوپ، دەپ حابارلايدى «قازاقپارات» ح ا ا.

 ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ اقپاراتىنا سۇيەنسەك، ەسەپتى كەزەڭدە وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىس ءوندىرۋ كولەمى بىلتىرعىعا قاراعاندا 12,2 پايىزعا قىسقارىپ،  59644 كەلىنى قۇرادى.

 ەسكە سالا كەتەيىك، 2017 -جىلى قازاقستاندا وڭدەلمەگەن التىن ءوندىرىسى  85029 كەلىنى قۇرادى. بۇل 2016 -جىلمەن سالىستىرعاندا 13,8 پايىزعا كوپ. سونىمەن قاتار وڭدەلمەگەن كۇمىس كولەمى  1605058  كەلىنى قۇرادى. بۇل ءبىر جىل بۇرىنعى كورسەتكىشتەن 10,8 پايىزعا كەم.