ەۋرازيالىق بانك استانا اۋەجايىنا 8,5 ميلليارد تەڭگە قارىز بەرەدى

استانا. قازاقپارات - حالىقارالىق استانا اۋەجايى مەن ەۋرازيالىق قايتا قۇرۋ جانە دامۋ بانكى (ە ق د ب) اراسىندا «استانا قالاسى اۋەجايىنىڭ قونۋ جانە ۇشۋ الاڭىن جاڭعىرتۋ» ينۆەستيتسيالىق جوباسىن جۇزەگە اسىرۋعا 8,5 ميلليارد تەڭگە كولەمىندەگى سوماعا نەسيەلىك كەلىسىمشارت جاسالدى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتىنەن.

ماڭىزدى قۇجاتقا ەۋرازيالىق قايتا قۇرۋ جانە دامۋ بانكىنىڭ پرەزيدەنتى سۋما چاكرابارتي، «استانا حالىقارالىق اۋەجايى» ا ق باسقارما ءتوراعاسى قايرات جاۋحانوۆ، «قازاقستان تەمىر جولى» ۇ ك» ا ق-نىڭ ۆيتسە-پرەزيدەنتى باۋىرجان ورىنباساروۆ قول قويدى.

نەسيەلىك كەلىسىم 15 جىلعا، ءۇش جىلدىق جەڭىلدىكپەن جاسالدى.

جوبا «نۇرلى جول» مەملەكەتتىك ينفراقۇرىلىمدىق دامۋ باعدارلاماسىنىڭ اياسىندا جۇزەگە اسىرىلىپ وتىرعان ۇلتتىق ماڭىزدى جوبالاردىڭ ءبىرى بولىپ تابىلادى.