قازاقستاندا 8,57 ميلليون توننا استىق باستىرىلدى

استانا. قازاقپارات - اۋىلشارۋاشىلىق داقىلدارىن جيناۋ جونىندەگى جەدەل اقپاراتقا سايكەس، 2017-جىلدىڭ 4- قىركۇيەگىنە دەيىن قازاقستاندا 8576,8 مىڭ توننا استىق باستىرىلدى، دەپ حابارلايدى «قازاقپارات» ح ا ا ءتىلشىسى ق ر ا ش م اقپاراتىنا سىلتەمە جاساپ.

وبلىستىق اۋىل شارۋاشىلىعى باسقارمالارىنىڭ مالىمەتىنە سايكەس، 6785,2 مىڭ گەكتار اۋماقتا ەگىن جينالدى. بۇل - وڭىرلەردىڭ استىق ورىلاتىن اۋماقتارىنىڭ 44,7 پروتسەنتى. ورتاشا ءتۇسىم گەكتارىنا 12,6 تسەنتنەردى قۇراپ وتىر. 2016-جىلدىڭ ءدال وسى كەزەڭىمەن سالىستىرساق: بىلتىر وسى ۋاقىتتا 4883,7 مىڭ گەكتار اۋماق يگەرىلىپ (نەمەسە بارلىق اۋماقتىڭ 32,1 پروتسەنتى)، 7148,7 مىڭ توننا استىق باستىرىلعان.

ورتاشا ءتۇسىم گەكتارىنا 14,6 تسەنتنەردى قۇرادى. 2017-جىلى ەگىن جيناۋ اۋماعى 15165,1 مىڭ گەكتاردى قۇرايدى، 2016-جىلى 15203,9 مىڭ گەكتار بولعان ەدى.