الەمدە كوروناۆيرۋس جۇقتىرعاندار سانى 8,2 ميلليوننان استى
بريتاندىق عالىمداردىڭ پىكىرىنشە، دەكسامەتازون Covid-19 ۆيرۋسىمەن اۋىرىپ جاتقان اۋىر حالدەگى ناۋقاستاردىڭ ءومىرىن قۇتقارادى.
د د س ۇ پرەپاراتتى تەك دارىگەرلەردىڭ باقىلاۋىمەن عانا قولدانۋ كەرەك ەكەنىن اتاپ ءوتتى، دەپ حابارلايدى قازاقپارات BBC - گە سىلتەمە جاساپ.
د د س ۇ اتاپ وتكەندەي، ءدارى-دارمەك ۆيرۋستىڭ الدىن الاتىنى نەمەسە اۋرۋدىڭ جەڭىل تۇرىمەن اۋىراتىن ناۋقاستارعا كومەكتەسۋى مۇمكىن ەكەنى تۋرالى مالىمەتتەر جوق. دجونس حوپكينس ۋنيۆەرسيتەتىنىڭ ستاتيستيكاسى بويىنشا الەمدە Covid-19 جۇقتىرۋ جاعدايلارىنىڭ سانى 8,2 ميلليون ادامدى قۇرادى.
ۆيرۋستان 444 مىڭعا جۋىق ادام كوز جۇمعان. اۋرۋ جۇقتىرعانداردىڭ باسىم كوپشىلىگى ا ق ش- تا. وندا 2,1 ميللين ادام كوروناۆيرۋس جۇقتىرعان.
ا ق ش- تىڭ ىزىنشە لاتىن امەريكاسى، ونىڭ ىشىندە برازيليا كەلەدى. اۋرۋدى باقىلاۋ جانە الدىن الۋ ەۋروپالىق ورتالىقتىڭ مالىمەتىنشە، وڭتۇستىك افريكادا راستالعان جاعدايلار سانى - 1,6 ميلليون. وسى تۇرعىدا بەيجىڭ بيلىگى Covid - 19 ەكىنشى تولقىنىنىڭ الدىن الۋعا تىرىسادى.
قالا ءىس جۇزىندە سىرتقى الەمنەن وقشاۋلانعان. سارسەنبى كۇنى بەيجىڭ اۋەجايى مىڭنان استام رەيستى توقتاتتى.
سانتياگودا كارانتين كۇشەيتىلدى
چيلي استاناسى سانتياگودا ەلدەگى اۋرۋ جۇقتىرۋ سانى كۇرت وسكەننەن كەيىن كارانتين رەجيمى كۇشەيتىلدى. چيلي - وڭتۇستىك امەريكاداعى پاندەميادان كوپ زارداپ شەككەن ەلدەردىڭ ءبىرى.
دەنساۋلىق ساقتاۋ مينيسترلىگىنىڭ مالىمەتى بويىنشا، ەلدە 220,6 مىڭنان استام ادامنان Covid-19 اۋرۋى انىقتالعان. 3,3 مىڭنان استام ادام قايتىس بولعان. شۆەتسيادا 5000 ادام قايتىس بولعان شۆەتسيا بيلىگى Covid-19 پاندەمياسىنان ەلدە 5000 ادام قايتىس بولعانىن جاريالادى.
بۇل كورشىلەس ەلدەرگە قاراعاندا الدەقايدا كوپ. شۆەد بيلىگى پاندەميانىڭ باستالعاندا قاتاڭ كارانتين ەنگىزبەۋ تۋرالى شەشىم قابىلداعان بولاتىن.
ا ق ش- تىڭ ءۇش شتاتىندا ينفەكتسيانىڭ تاۋلىكتىك دەڭگەيى رەكوردتىق كورسەتكىشكە جەتكەن اريزونا، فلوريدا جانە تەحاس شتاتىنىڭ بيلىگى سوڭعى 24 ساعات ىشىندە كوروناۆيرۋس اۋرۋىنىڭ رەكوردتىق سانىن مالىمدەدى. اقش- تىڭ وسى ءۇش شتاتىنىڭ ءارقايسىسىندا شامامەن 2500 جاعداي تىركەلگەن. فلوريدا گۋبەرناتورى رون دە سانتيس باسپا ءسوز ءماسليحاتىندا ينفەكتسيالار سانىنىڭ كوبەيۋىن كارانتين رەجيمىنىڭ السىرەۋىمەن بايلانىستىرمايتىنىن ايتتى.
«ءبىز جابىلمايمىز. قوعام جۇمىسىن جالعاستىرۋى كەرەك»، - دەدى ول.
ا ق ش- تىڭ باس ەپيدەميولوگى ەنتوني فاۋكي اقش ءالى دە كوروناۆيرۋستىق پاندەميانىڭ العاشقى تولقىنىن باستان وتكەرىپ جاتقانىن ايتتى. باسقا ەلدەردەگى جاعداي گەرمانياداعى ەت كومبيناتىندا كوروناۆيرۋستىڭ ورشۋىنە بايلانىستى 7 مىڭعا جۋىق ادامدى وقشاۋلاۋ تۋرالى شەشىم قابىلداندى.
ۆيرۋس كاسىپورىننىڭ 400-دەن استام قىزمەتكەرىنەن انىقتالدى. گوندۋراس پرەزيدەنتى حۋان ورلاندو ەرناندەس Covid-19 جۇقتىرىپ، اۋرۋحاناعا جاتقىزىلدى. ونىڭ باسپا ءسوز حاتشىسى پرەزيدەنت پنيەۆمونيا ەكەنىن حابارلادى.
پرەزيدەنتتىڭ زايىبىنان دا كوروناۆيرۋس انىقتالدى، ءبىراق ونىڭ اۋرۋى سيمپتومسىز. بريتانيادا ءۇش اي ۇزىلىستەن كەيىن فۋتبولدان پرەمەر-ليگا ويىندارى قايتا جانداندى. ويىندار بوس ستاديونداردا وتەدى.
برازيليادا تاۋلىگىنە 35 مىڭعا جۋىق كوروناۆيرۋس جۇقتىرۋ جاعدايى تىركەلەدى. اپتا سوڭىنا قاراي مۇندا ءبىر ميلليون ادامنان اسادى.
لاتىن امەريكاسى پاندەميانىڭ جاھاندىق ورتالىعىنا تەز اينالۋدا. ا ق ش ۆيرۋس جۇقتىرۋ سانى بويىنشا الەمدە كوش باستاپ تۇر.
