اۋا رايىنىڭ قولايسىزدىعىنان 8 وبلىستا 289 ەلدى مەكەن جارىقسىز قالدى - ت ج م
بۇل تۋرالى ق ر توتەنشە جاعدايلار ءمينيسترى يۋري يلين ءمالىم ەتتى، دەپ حابارلايدى قازاقپارات ءتىلشىسى.
«بيىل 29-30- ناۋرىز كۇندەرى رەسپۋبليكانىڭ 7 وبلىسى مەن 2 قالاسىندا قاتتى جەلدىڭ سالدارىنان بىرنەشە نىسان شاتىرىنىڭ ۇشۋى (297 جاعداي) تىركەلدى. ولاردىڭ قاتارىندا ءبىلىم بەرۋ، دەنساۋلىق ساقتاۋ، تۇرعىن ۇيلەر، جەرگىلىكتى بيلىك جانە قۇقىق قورعاۋ ورگاندارى مەن تاعى باسقا نىساندار بار. توتەنشە جاعداي سالدارىنان 8 ادام، ونىڭ ىشىندە 3 بالا زارداپ شەكتى. ولاردىڭ 4 ءى اۋرۋحاناعا جاتقىزىلىپ، قالعانى تەكسەرۋدەن سوڭ ۇيلەرىنە جىبەرىلدى»، - دەدى يۋري يلين و ك ق- دە وتكەن بريفينگتە.
ءمينيستردىڭ ايتۋىنشا، قولايسىز اۋا رايىنىڭ سالدارىنان بىرنەشە ءوڭىر تۇرعىندارى ۋاقىتشا قيىندىققا تاپ بولدى.
«8 وبلىستىڭ 289 ەلدىمەكەنىندە اۋا رايى قولايسىزدىعىنان بولعان اپات سالدارىنان ەلەكتر جارىعى ءوشىپ قالدى. بارلىعى 110387 ابونەنت ەلەكتر جارىعىنسىز قالدى. اتاپ ايتقاندا اقمولا وبلىسى- 87، قاراعاندى وبلىسى- 25، الماتى وبلىسى - 83، اتىراۋ وبلىسى - 10، پاۆلودار وبلىسى- 70، سقو - 12، اقتوبە وبلىسى - 1 جانە جامبىل وبلىسى - 1. بۇگىن ساعات 11.00 دەگى جاعداي بويىنشا 275 ەلدىمەكەندە ەلەكتر جارىعى قالپىنا كەلتىرىلدى. دەگەنمەن 3 وبلىستاعى 14 ەلدىمەكەندە 12709 ابونەنت ءالى دە بولسا ەلەكتر جەلىسىنە قوسىلماعان»، - دەيدى ول.
بۇعان دەيىن اتالعان ۆەدومستۆو باسشىسى ءۇيىن سۋ باسقان تۇرعىندارعا وتەماقى تولەنە مە دەگەن ساۋالعا جاۋاپ بەردى.
ودان بولەك، بريفينگ كەزىندە ەلىمىز بويىنشا سۋ باسۋ قاۋپى بار وڭىرلەر اتالدى .
