14:31, 24 - ءساۋىر 2016 | GMT +5
ا ق ش: وگايودا 8 ادامدى اتىپ كەتكەن قىلمىسكەر تۋرالى اقپارات بەرگەن ادامعا 25 مىڭ دوللار سىياقى تاعايىندالدى
استانا. قازاقپارات - سينسينناتيلىك ستەيكحاۋس يەسى دجەف رۋبي وگايو شتاتىنىڭ وڭتۇستىگىندە ءبىر وتباسىنىڭ 8 ادامىن ءولتىرىپ كەتكەن كۇدىكتىنى تۇتقىنداۋعا جاردەمدەسەتىن اقپارات بەرگەن ادامعا 25 مىڭ دوللار سىياقى ۇسىندى.
بۇدان بۇرىن شتات بيلىگى كۇدىكتى وقيعا ورنىنان پايكتون قالاشىعىنا جاسىرىنۋى مۇمكىن ەكەنىن، ازىرگە ىزدەۋ ناتيجە بەرمەگەنىن مالىمدەگەن.
بيلىك كۇدىكتى قارۋلى ءارى ءقاۋىپتى ەكەنىن ەسكەرتتى. ءارى شابىلداۋشىلار بىرنەشەۋ بولۋى دا مۇمكىن.
وگايو وڭتۇستىگىندەگى اۋىلدا رودەن وتباسىنان 8 ادامدى ءولتىرىپ كەتكەنى تۋرالى اقپارات 22 ساۋىردە بەلگىلى بولعان.
قازا بولعانداردىڭ ىشىندە - جەتى ەرەسەك، ءبىر 16 جاستاعى ءجاسوسپىرىم بار.
تۋعانىنا 4 كۇن بولعان ءبىر ءسابي مەن ءۇش جاسقا تولماعان ەكى ءبۇلدىرشىن عانا امان قالعان.
