مي-8 تىكۇشاعى قۇلاپ، 18 ادام اجال قۇشتى

ماسكەۋ. قازاقپارات - كراسنويارسكى اۋماعىنداعى ۆانكور كەن ورنىندا مي-8 تىكۇشاعى قۇلاپ، 18 ادام قازا تاپتى، دەپ حابارلايدى ر ي ا نوۆوستي.
None
None

ت ج م- ءنىڭ مالىمەتىنشە، اپات جەرگىلىكتى ۋاقىت بويىنشا ساعات 10:20 دا (ماسكەۋ ۋاقىتىمەن 6:20) يگاركا ەلدى مەكەنىنەن ەكى شاقىرىم جەردە بولعان. تەرگەۋ كوميتەتى تىكۇشاقتىڭ بورتىندا ەكيپاجدىڭ 3 مۇشەسى مەن 15 ۆاحتاشى بولعانىن جەتكىزدى.

قاۋىپسىزدىك ەرەجەلەرىنىڭ بۇزىلۋ بابى بويىنشا قىلمىستىق ءىس قوزعالدى. تىكۇشاق ەلسىز جەرگە قۇلاعان.

ەكى قارا جاشىك (ۇشۋ پارامەترلەرىن تىركەۋ قۇرالى مەن بورتتىق سويلەۋ وزدىگىنەن جازعىش قۇرالى) تابىلدى. ولاردىڭ جاعدايى انىقتالۋدا. اگەنتتىكپەن سۇحباتتاسۋشى مي-8 ەكى شاقىرىمداي ۇشقاننان كەيىن قۇلاپ، ورتەنگەنىن ايتتى.

جەرگە سوعىلعان تۇستا تىكۇشاقتىڭ ەكى وتىن باعى اتىلىپ كەتكەن. الدىن الا جاسالعان مالىمەتتەر بويىنشا، تىكۇشاقتىڭ قۇلاۋىنا تەحنيكالىق اقاۋ نەمەسە ۇشقىشتىڭ جاساعان قاتەلىكتەرى سەبەپ بولۋى مۇمكىن.

اگەنتتىكتىڭ دەرەككوزىنەن بەلگىلى بولعانداي، تىكۇشاق ۆانكور كومپانياسىنىڭ قىزمەتكەرلەرىن اكەلە جاتقان. سوناي-اق، سۇحباتتاسۋشىنىڭ ايتۋىنشا، اۋە كەمەسى UTair كومپانياسىنا تيەسىلى.

باتىس ءسىبىر كولىك پروكۋراتۋراسى اپات دەرەگىنە قاتىستى اۋە كولىكتەرىنىڭ قوزعالىسىنىڭ قاۋىپسىزدىگى جونىندەگى زاڭنامانىڭ ساقتالۋى بويىنشا تەكسەرىس ۇيىمداستىردى. وقيعا ورنىنا ءوڭىردىڭ گۋبەرناتورىنىڭ ۋاقىتشا مىندەتىن ورىنداۋشى الەكساندر ۋسس ۇشىپ باردى.

سوڭعى جاڭالىقتار