ون كۇندە 8 وپەراتسياعا تۇسكەن 18 جاسار فۋتبولشى ويناۋدى توقتاتتى

استانا. قازاقپارات - يتاليانىڭ دورتمۋندىق «بورۋسسيا» كومانداسىنىڭ 18 جاسار فۋتبولشىسى داريو سكۋدەري ءوزىنىڭ فۋتبولداعى كارەراسىن توقتاتقانىن ءمالىم ەتتى.

بۇل تۋرالى Abola عا سىلتەمە جاساپ Lenta.ru حابارلايدى.

ونىڭ ويىندى توقتاتۋىنا سەبەپ بولىپ وتىرعان ماسەلە - دەنساۋلىق جاعدايى. 14- قىركۇيەك كۇنى ەۋروپا ليگاسىنىڭ جاس وسپىرىمدەر ماتچىندا پولشالىق «لەگيا» كومانداسىمەن بولعان كەزدەسۋدە سكۋدەري اياعىنان اۋىر جاراقات الىپ قالدى.

وعان 10 كۇن ىشىندە 8 وپەراتسيا جاسالدى. قاراشا ايىنىڭ سوڭىندا 2016-جىلعى وليمپيادىنىڭ كۇمىس جۇلدەگەرى اتانعان 19 جاسار رەسەيلىك گيمناستشى يانا كۋدرياۆتسيەۆا دا جاراقاتىنا بايلانىستى سپورتتاعى كارەراسىن توقتاتتى.

جاراقات العان اياعىنىڭ سالدارىنان ونىڭ ساۋ اياعى دا سىر بەرە باستادى. وسىعان بايلانىستى سپورتشى ءوزىنىڭ كارەراسىن اياقتاۋ جونىندە شەشىم قابىلداعان.