اتىراۋدا پروكۋرور ەكس-اكىم رىسقاليەۆتىڭ كومانداسى مۇشەلەرىنە 8 جىلدان 18 جىلعا دەيىن تۇرمەگە وتىرعىزۋ جازاسىن تاعايىنداۋدى سۇرادى

اتىراۋ. قازاقپارات - سىبايلاس جەمقورلىق پەن باسقا دا قىلمىستارعا ايىپتالىپ وتىرعان ەكس-اكىم ب. رىسقاليەۆتىڭ كومانداسى مۇشەلەرىنىڭ ءىسىن قاراۋ جونىندەگى سوتتا ايىپتاۋشى تاراپ سوتتان سوتتالۋشىلارعا 8 جىلدان 18 جىلعا دەيىن تۇرمەدە وتىرعىزۋ جازاسىن تاعايىنداۋدى سۇرادى.

پروكۋرور وبلىس اكىمىنىڭ بۇرىنعى ءبىرىنشى ورىنباسارى بولات داۋكەنوۆكە ەڭ جوعارى جازا - 18 جىل باس بوستاندىعىنان ايىرۋدى سۇرادى. سونداي-اق وبلىس اكىمنىڭ بۇرىنعى ورىنباسارى اسقار ابدىروۆكە - 15 جىل، اتىراۋ قالاسىنىڭ بۇرىنعى اكىمى اسقار كەرىموۆكە، وبلىستىق قۇرىلىس باسقارماسىنىڭ بۇرىنعى باستىعى نۇرلان كەنجەبەكوۆ پەن ەنەرگەتيكا باسقارماسىنىڭ باسشىسى باۋىرجان جايساڭوۆقا - 14 جىلدان، قالعان سوتتالۋشىلارعا - 8-10 جىلدان باس بوستاندىعىنان ايىرۋ جازاسىن بەرۋ سۇرالدى.

ەسكە سالا كەتەيىك، اتىراۋدا ميللياردتتاعان مەملەكەت قارجىسىن جىمقىرۋعا ايىپتالعان بەرگەي رىسقاليەۆتىڭ بۇرىنعى كومانداسىنداعى شەنەۋنىكتەر توبىنا سوت ۇدەرىسى جالعاسۋدا. سوتتالۋشى ورىندىعىندا 22 ادام وتىر. ەكس اكىمگە جانە تاعى 8 ادامعا مەملەكەتارالىق ىزدەۋ جاريالاندى.