قازاقستاندا 8 يمانعالي تاسماعامبەتوۆ جانە 12 كارىم ءماسىموۆ بار - فوتو

استانا. قازاقپارات - قازاقستاندا 8 يمانعالي تاسماعامبەتوۆ جانە 12 كارىم ءماسىموۆ بار، - دەپ حابارلايدى Tengrinews.kz ءتىلشىسى.

ق ر ۇ ە م ستاتيستيكا كوميتەتىنىڭ مالىمەتىنشە، قازاقستاندىق شەنەۋنىكتەردىڭ ىشىندە ق ر پرەمەر-ءمينيسترىنىڭ ورىنباسارى داريعا نازاربايەۆانىڭ اتتاسى كوپ بولىپ شىقتى.

تىزىمدە ماڭعىستاۋ وبلىسى كوش باستاپ تۇر، وندا داريعا نازاربايەۆا اتى-جونىمەن 7 قىز تىركەلگەن، الماتى وبلىسىندا - 5، و ق و- دا - 4. اتتاستاردىڭ جاس شاماسى - 1 جاستان 13 كە دەيىن جانە ءبىر 48 جاستاعى داريعا نازاربايەۆا بار. ەسكە سالايىق، ق ر پرەمەر-ءمينيسترىنىڭ ورىنباسارى 53 جاستا.

داريعا نازاربايەۆا

پرەمەر-مينيستر كارىم ءماسىموۆتىڭ 11 اتتاسى بار. مينيسترلەر كابينەتىنىڭ اتى-ءجونىن العانداردىڭ باسىم بولىگى الماتى وبلىسىندا تۇرادى - 7 اتتاس. ولاردىڭ جاسى 1-10 ارالىعىندا.

كارىم ءماسىموۆ

ۇلتتىق بانكتىڭ ءتوراعاسى دانيار اقىشيەۆتىڭ 8 اتتاسى بار. ولاردىڭ ەڭ جاسى 8 دە، ول اتىراۋ وبلىسىندا دۇنيەگە كەلگەن.

دانيار اقىشيەۆ

قورعانىس ءمينيسترى يمانعالي تاسماعامبەتوۆتىڭ 7 اتتاسى بار. ولاردىڭ ەڭ جاسى ءبىر جاسقا دا تولماعان.

يمانعالي تاسماعامبەتوۆ

سىبايلاس جەمقورلىققا قارسى كۇرەس ۇلتتىق بيۋروسىنىڭ ءتوراعاسى قايرات قوجامجاروۆتىڭ 6 اتتاسى بار. ولاردىڭ جاسى 31-47 ارالىعىندا.

قايرات قوجامجاروۆ

داۋرەن ابايەۆ اتى-جونىمەن اقپارات جانە كوممۋنيكاتسيا ءمينيسترىن ساناماعاندا، قازاقستاندا 4 ادام تۇرىپ جاتىر. ولاردىڭ جاسى 15، 22، 29 جانە 41 ارالىعىندا.

داۋرەن ابايەۆ

پارلامەنت سەناتىنىڭ ءتوراعاسى قاسىم-جومارت توقايەۆتىڭ 3 اتتاسى بار، جاستارى 5، 6 جانە 12 ارالىعىندا.

قاسىم-جومارت توقايەۆ

ال الماتى اكىمى باۋىرجان بايبەكتىڭ ءبىر اتتاسى بار. ءبىر جاسقا دا تولماعان بالا وڭتۇستىك قازاقستان وبلىسىندا دۇنيەگە كەلگەن.