رەسەيدىڭ مي-8 تىكۇشاعى قۇلاپ، 12 ادام قازا تاپتى

استانا. قازاقپارات - الدىن الا مالىمەتتەرگە قاراعاندا، ر ف- نىڭ كراسنويار ولكەسىنىڭ سولتۇستىگىندە مي-8 تىكۇشاعىنىڭ قۇلاۋى سالدارىنان 12 ادام قازا تاپتى،

 دەپ حابارلادى ر ي ا نوۆوستي باتىس ءسىبىر كولىك پروكۋراتۋراسىنىڭ وكىلى وكسانا گوربۋنوۆاعا سىلتەمە جاساپ.

«الدىن الا مالىمەتتەرگە قاراعاندا، يگاركادان 10 شاقىرىم جەردە 12 ادام كوز جۇمدى»، - دەدى ول.

 بۇرىن بەلگىلى بولعانداي، مي-8 تىكۇشاعى كراسنويار ولكەسى تۋرۋحان اۋدانىندا اپاتتىق جاعدايدا قونعان.

مالىمەتتەرگە سايكەس، تىكۇشاق بورتىندا ەكيپاجدىڭ ءۇش مۇشەسى مەن 22 جولاۋشى بولعان.

 اپاتتان سوڭ بايلانىسقا شىققان جولاۋشىلاردىڭ ايتۋىنشا، ەكيپاج مۇشەلەرى تولىقتاي قازا تاپقان، ال تىكۇشاقتىڭ ءوزى قىرىمەن جاتىر.

 «تۋرۋحان» اۋە كومپانياسىنىڭ مي-8 تىكۇشاعى يگاركيدەن مۇناي وڭدەۋ ستانساسىنا بارا جاتقان جولدا اپاتقا ۇشىراعانى تۋرالى حابارلاما ماسكەۋ ۋاقىتى بويىنشا 07.45-تە تۇسكەن. قازىر مي-8- ءدىڭ قۇلاعان ورنىن اۋە كومپانياسىنىڭ وزگە تىكۇشاعى ىزدەسترىپ جاتىر.