شەت ەلدەردە ءالى دە 7 ميلليونعا جۋىق قانداسىمىز ءجۇر - دۇنيەجۇزى قازاقتار قاۋىمداستىعى
«دۇنيەجۇزى قازاقتار قاۋىمداستىعىنىڭ قۇرىلعانىنا 32 جىل بولدى. ماقسات - شارتاراپقا شاشىلىپ كەتكەن قازاقتىڭ باسىن قوسايىق، ەلىمىزگە اكەلەيىك دەگەن نيەتپەن قۇرىلعان قاۋىمداستىق. بۇگىنگى كۇنى ۇلكەن جەتىستىكتەرگە جەتىپ وتىر. قازىرگى كۇننىڭ وزىندە ميلليوننان استام قانداسىمىز كەلدى، ولار ءوسىپ-ءونىپ 3-4 ميلليونعا جەتىپ قالدى. ورالعان قانداستارىمىزدىڭ بارلىعى وسى جاقتان ءبىلىم الدى، تيىسىنشە ءار سالادا جەمىستى ەڭبەك ەتىپ جاتىر»، - دەدى اسىلبەك بايجۇما ۇلى.
ونىڭ ايتۋىنشا، قوعامدىق كەڭەستە ءالى دە شەت ەلدە جۇرگەن، ەلگە قايتۋعا نيەتتى ەتنيكالىق قازاقتاردى قايتارۋ بويىنشا وزەكتى ماسەلەلەر قارالادى.
«شەت مەملەكەتتەردەگى قانداستارعا ەلىمىزدى ناسيحاتتاۋ ارقىلى ولاردىڭ كوشىپ كەلۋىنە جاعداي جاساۋمىز كەرەك. شەكارادان ءوتۋ، ىحتيارحات، وقۋ، جۇمىس جانە تاعى دا باسقا ماڭىزدى ماسەلەلەر بار. وسى ماسەلەلەردىڭ شەشىمىن بىرلەسە ىزدەۋ ءۇشىن قوعامدىق كەڭەستى قۇرعان جايىمىز بار»، - دەپ ءتۇسىندىردى اسىلبەك بايجۇما ۇلى.
ول اتاپ وتكەندەي، بۇگىندە بىرنەشە ميلليون ەتنيكالىق قازاق شەت مەملەكەتتەردە تۇرىپ جاتىر.
«بولجام بويىنشا، شەت مەملەكەتتەردە ءالى دە 7 ميلليونعا جۋىق قانداسىمىز ءجۇر. ولار اسىرەسە قىتاي، موڭعوليا، رەسەي، ەۋروپا، يراندا شوعىرلانعان»، - دەپ دەرەكتەر كەلتىردى اسىلبەك بايجۇما ۇلى.
