15:10, 07 - مامىر 2023 | GMT +6
ەلىمىزدە 7 مىڭعا جۋىق ايەل اسكەردە قىزمەت ەتىپ ءجۇر
استانا. قازاقپارات - قازاقستان رەسپۋبليكاسىنىڭ قارۋلى كۇشتەرىندە 7 مىڭعا جۋىق نازىك جان كەلىسىمشارت بويىنشا ەڭبەك ەتەدى، دەپ حابارلايدى قازاقپارات ءتىلشىسى.
ونىڭ كوپشىلىگى قاتارداعى جاۋىنگەر، سەرجانتتىق جانە وفيتسەرلىك قىزمەت اتقارادى.
ونىڭ ىشىندە 800 گە جۋىق وفيتسەر، 2 مىڭعا جۋىق سەرجانت جانە 4 مىڭعا جۋىق قاتارداعى جاۋىنگەر بار.
«جەتى ايەل جوعارى لاۋازىمداردا. اتاپ ايتقاندا، قورعانىس ءمينيسترىنىڭ كومەكشىسى، قورعانىس مينيسترلىگى دەپارتامەنتى باستىعىنىڭ ورىنباسارى، قورعانىس ىستەرى جونىندەگى دەپارتامەنت باستىعىنىڭ ورىنباسارى، اسكەري گوسپيتال، بازا، ورتالىق جانە لازارەت باستىعىنىڭ ورىنباسارى»، - دەلىنگەن قورعانىس مينيسترلىگىنىڭ قازاقپارات اگەنتتىگىنىڭ رەسمي ساۋالىنا بەرىلگەن جاۋاپتا.
ايتا كەتەيىك، بۇگىن ەلىمىزدە وتان قورعاۋشى كۇنى اتالىپ ءوتىپ جاتىر.
سونداي- اق، بۇگىن ق ر قارۋلى كۇشتەرىنىڭ قۇرىلعانىنا 31 جىل تولدى.