بۇگىن جەل كۇشەيىپ، ءبىرقاتار وڭىردە 7 گرادۋسقا دەيىن قاتقاق بولادى

استانا. قازاقپارات - قازگيدرومەت سينوپتيكتەرى 3-مامىر، سارسەنبىگە ارنالعان اۋا رايى بولجامىن جاريالادى، دەپ حابارلايدى قازاقپارات.

اۋقىمدى انتيسيكلون اسەرىنەن قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى.

الايدا وڭتۇستىك سيكلون جانە وعان ىلەسىپ كەلەتىن فرونتتارعا بايلانىستى ەلدىڭ باتىسىندا، وڭتۇستىك-باتىسىندا جاڭبىر جاۋادى، نايزاعاي جارقىلداپ، بۇرشاق جاۋادى.

كەي ۋاقىتتا قاتتى جاڭبىر جاۋادى، ەلىمىزدىڭ وڭتۇستىك- شىعىسى مەن شىعىسىندا جاۋىن- شاشىن (جاڭبىر، قار) جاۋادى.

رەسپۋبليكا بويىنشا جەل كۇشەيەدى، وڭتۇستىكتە، وڭتۇستىك- شىعىستا، باتىستا شاڭدى داۋىل سوعادى، سولتۇستىكتە، سولتۇستىك- شىعىستا - تۇمان تۇسەدى.

تۇندە الماتى، جەتىسۋ وبلىستارىنىڭ تاۋلى اۋداندارىندا، قوستاناي وبلىسىنىڭ سولتۇستىگىندە، وڭتۇستىك- شىعىسىندا، ۇلىتاۋ وبلىسىنىڭ شىعىسىندا، جامبىل وبلىسىنىڭ تاۋلى اۋداندارىندا 1-7 گرادۋسقا دەيىن ۇسىك جۇرەدى.