دەنساۋلىققا پايدالى 7 جازعى سۋسىن ءتۇرى
اعزاعا قاجەتتى سۇيىقتىقتىڭ باسىم بولىگىن قاراپايىم تازا سۋ قۇرايدى. بۇدان باسقا سۋسىنداردى دا ەستەن شىعارماعان دۇرىس. ولار دا ءبىزدىڭ دەنساۋلىعىمىزعا وڭ اسەرىن تيگىزەدى، دەپ جازادى medlinks.ru.
كوك شاي
بۇل سۋسىن ءبىر رەت دەمدەۋگە جارايتىن قالتاشادا بولماۋى كەرەك. جاڭادان دەمدەلگەن كوك شاي سۋسىندى جاقسى قاندىرادى، ياعني قولدانىلاتىن سۇيىقتىق مولشەرىن تومەندەتۋگە سەپتىگىن تيگىزەدى. ول ءىسىنۋ بايقالعان ۋاقىتتا قاجەت. سونىمەن قاتار، كوك شاي وستەوپوروز، جۇرەك-تامىر اۋرۋلارىنىڭ پايدا بولۋ قاۋپىن ازايتادى. ونىڭ قۇرامىنا كىرەتىن انتيوكسيدانتار اعزا جاسۋشالارىن قورعاپ، بوس راديكالداردى ءبىر-بىرىمەن قوسادى. مۇنىڭ ناتيجەسىندە ول قاتەرلى ىسىكتىڭ الدىن الۋ قۇرالى ىسپەتتەس كەلەدى. سونداي-اق، كوك شاي قۇرامىندا سەرگىتكىش كوفەين جانە سۇيەك پەن ءتىستى نىعايتاتىن فتور بار. كوك شايدى تۇندە ىشپەۋ قاجەتتىگىن ەسكەرگەن ءجون. ونىڭ قۇرامىنداعى كوفەين دۇرىس ۇيىقتاي الماۋىڭىزعا سەبەپ بولماق.
كاكاو
كاكاو ومىرلىك تونۋسىڭىزدى ارتتىرىپ، كوڭىل-كۇيدى جاقسارتادى. سۋسىننىڭ قۇرامىنداعى تەوبروميننىڭ ارقاسىندا تەرىنىڭ يىلىمدىلىگى وسەدى. دەسەك تە، ارتىق سالماقتان ازاپ شەگەتىن ادامدارعا كاكاو قۇرامىنداعى قانتتى ەسكەرگەن ءجون.
يتمۇرىن قايناتپاسى
c دارۋمەنىنە تۇنىپ تۇرعان بۇل سۋسىن ىستىق كۇنى اعزاعا قاجەت. ول دەنساۋلىقتى جالپى العاندا نىعايتاتىن جاقسى قۇرال بولىپ كەلەدى. سۋىق تيگەندە وتە پايدالى. ىشەك-قارىن جولدارى اۋرۋلارى كەزىندە ونى ابايلاپ قولدانعان ءجون.
قىزاناق شىرىنى
قۇرامىنداعى ليكوپەن اۋىز قۋىسىنىڭ، اسقازان، وكپە، باۋىر، ءسۇت بەزدەرى، جاتىر مويىنشىعى قاتەرلى ىسىگىنە شالدىعۋ قاۋپىن تومەندەتەدى، ءارى سۋسىن جۇرەككە دە پايدالى. ىشەك جۇمىسىنىڭ بۇزىلۋى كەزىندە قىزاناق شىرىنىن تۇزداماعان ءجون. سەبەبى، بۇل سۋسىننىڭ شيپالى قاسيەتتەرىن تومەندەتەدى.
سويا ءسۇتى
حولەستەرين مەن تريگليسەريدتەر مولشەرىن تومەندەتەدى. دەگەنمەن، سويا قۇرامىنداعى ءسۇت بەزدەرىنىڭ قاتەرلى ىسىگىنە شالدىعۋ قاۋپىن ارتتىرۋى مۇمكىن فيتوەستروگەندەر جونىندە ۇمىتپاعان ءجون.
ليمون سۋى
ليمون شىرىنى مەن بال قوسىلعان قاراپايىم تازا سۋ اعزاعا وتە پايدالى. ونى تاڭەرتەن اشقارىنعا ىشكەن ءجون. ول ىشەكتەردىڭ جۇمىسىنا كومەكتەسىپ قانا قويماي، اعزاعا دا كۇش بەرەدى. تەك اللەرگيكتەردە ول قيىندىقتار تۋعىزۋ مۇمكىن. مۇنى ەستەن شىعارماعان ابزال.
اپەلسين شىرىنى
بۇل - س دارۋمەنىنىڭ تاماشا كوزدەرىنىڭ ءبىرى. يممۋنيتەتتى نىعايتىپ قانا قويماي، شارشاعانىڭىزدى باسادى. ول جۇكتى ايەلدەرگە وتە پايدالى. قۇرامىنداعى فوليەۆ قىشقىلى ىشتەگى نارەستەنىڭ دۇرىس دامۋىنا سەپتىگىن تيگىزەدى. بۇل رەتتە ءوز قولىڭىزبەن سىعىلىپ الىنعان تابيعي شىرىن تۋرالى ايتىپ وتىرعانىمىزدى ەستەن شىعارماۋ قاجەت. ونىڭ تاۋلىگىنە 1 شىنى اياعىن عانا ىشكەن ءجون جانە اسقازان اۋرۋلارى كەزىندە قولدانعاندا اباي بولعان دۇرىس.
