سولتۇستىك قازاقستاندا كەڭەس وداعىنىڭ پاسپورتپەن جۇرگەن 7 ادام جاڭادان جەكە كۋالىك الدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ەلىمىزدە 1974 -جىلعى ۇلگىدەگى قىزىل ءتۇستى ك س ر و پاسپورتتارى قولدانىستان الىنعان. قازاقستان ازاماتىنىڭ جەكە باسىن كۋالاندىراتىن قۇجاتتار رەسپۋبليكادا 1994 -جىلى ەنگىزىلدى. ەسكى پاسپورتپەن جۇرگەن ادامدار ءبىرقاتار مەملەكەتتىك قىزمەتتەردى الۋعا، تولەمدەردى راسىمدەۋدە قۇقى شەكتەلگەن. دەگەنمەن، تۇرعىنداردىڭ اراسىندا قانداي دا ءبىر سەبەپتەرمەن ەسكى تولقۇجاتتارمەن ءومىر ءسۇرىپ جاتقاندار بار.
س ق و پ د كوشى-قون قىزمەتىنىڭ قىزمەتكەرلەرى مۇنداي ادامداردى قۇجاتتاندىرۋ جۇمىستارىن جۇرگىزەدى.
پەتروپاۆلدىڭ 49 جاستاعى تۇرعىنى قۇجاتتاردى راسىمدەۋگە كومەك سۇراعان. كوشى-قون پوليتسەيلەرى ونىڭ ازاماتتىعىن انىقتاۋ ءراسىمىن جۇرگىزدى.
«قالا تۇرعىنى ءۇشىن جەكە كۋالىك دايىندالدى، ەندى ول ءبىزدىڭ مەملەكەتىمىزدىڭ بارلىق قىزمەتتەرىن پايدالانا الادى. ەسكى قۇجاتتارمەن جۇرگەن سولتۇستىك قازاقستاندىقتاردى ماسەلەنى شەشۋدى كەيىنگە قالدىرماۋعا جانە وزدەرىنىڭ قۇقىقتىق مارتەبەسىن رەتتەۋگە شاقىرامىز»، - دەيدى س ق و پ د كوشى-قون قىزمەتى باسقارماسىنىڭ باستىعى تالعات ءابىلوۆ.
جىل باسىنان بەرى كوشى-قون قىزمەتىنىڭ قىزمەتكەرلەرى س ق و-نىڭ جەتى تۇرعىنىنا ق ر ازاماتتارىنىڭ كۋالىگىن الۋعا كومەكتەستى.