تۇركيادا ءزىلزالادان 7 مىڭنان استام ادام قازا تاپتى

استانا. قازاقپارات - تۇركياداعى جويقىن جەر سىلكىنىسىنەن قازا تاپقاندار سانى 7108 گە جەتتى، 40910 ادام جارالاندى، دەپ حابارلايدى قازاقپارات ءتىلشىسى.

تۇركيا ۇكىمەتى جانىنداعى ت ج سالدارىن جويۋ باسقارماسى (AFAD) جاڭا مالىمەتتەردى جاريالادى.

جەر استى دۇمپۋلەرى تۇركيانىڭ كاحرامانماراش، گازيانتەپ، شانلىۋرفا، ديارباكىر، ادانا، ادىيامان، وسمانييە، حاتاي، كيليس، مالاتيا جانە ەلازيگ پروۆينتسيالارىندا ادام شىعىنى مەن الاپات قيراۋعا اكەپ سوقتى.

اتاپ ايتقاندا، 5775 تۇرعىن ءۇي قيراعان، اپات ايماعىنىڭ تۇرعىندارى ءۇشىن 50818 شاتىر ورناتىلعان.

ىزدەستىرۋ- قۇتقارۋ جۇمىستارىنا 79110 ادام تارتىلعان. جۇك پەن قۇتقارۋشىلاردى جەتكىزۋگە، سونداي- اق زارداپ شەككەندەردى تاسىمالداۋعا 104 دانا اۆياتسيالىق تەحنيكا جۇمىلدىرىلعان.

تۇركيا پرەزيدەنتى رەجەپ تايىپ ەردوعان جويقىن جەر سىلكىنىسىنەن زارداپ شەككەن اۋداندارعا بارا جاتىر.

ايتا كەتەيىك، تۇركيانىڭ وڭتۇستىك- شىعىسىنداعى كاحرامانماراش پروۆينتسياسىندا 5,1 بالدىق جەر سىلكىنىسى بولدى. ونىڭ ەپيتسەنترى گەكسۋن اۋدانىندا 9 ك م تەرەڭدىكتە بولعان.

بۇگىن قازاقستاندىق قۇتقارۋشىلاردىڭ ەكىنشى ەشەلونى تۇركياداعى جويقىن جەر سىلكىنىسى بولعان جەرگە اتتاندى. ەكىنشى ەشەلون قۇرامىندا جەكە قۇرامنان 60 ادام، ولاردىڭ ىشىندە ت ج م قۇتقارۋشىلارى، اپاتتار مەديتسيناسى ورتالىعىنىڭ دارىگەرلەرى، قىزمەتتىك يتتەر بار.

سونىمەن بىرگە تۇركيادا تۇراتىن قازاقستاندىقتار زارداپ شەككەندەرگە 34 ميلليون تەڭگە جيناپ بەردى.