تۇركيادا 7 بالدان اساتىن قۋاتتى جەر سىلكىنىسى بولدى
بۇل تۋرالى مەملەكەتتىك توتەنشە جاعدايلار باسقارماسى (ا ف ا د) ءمالىم ەتتى، دەپ حابارلايدى قازاقپارات انادولىعا سىلتەمە جاساپ.
ونىڭ مالىمەتىنشە، 6,4 جانە 6,6 ماگنيتۋدالى ەكى جەراستى ءدۇمپۋى نۋرداگى اۋدانىندا، 6,6 ماگنيتۋدالى جەر سىلكىنىسى يسلاحيە اۋدانىندا تىركەلگەن. ءزىلزالادان عيماراتتار قيراعان. ا ف ا د مالىمەتىنشە، 7,4 باللدىق جەر سىلكىنىسى كاحرامانماراش پروۆينتسياسىنداعى پازاردجيك اۋدانىندا جەرگىلىكتى ۋاقىت بويىنشا 04:17-دە 7 ك م تەرەڭدىكتە بولعان. سودان كەيىن جەر سىلكىنىسى ءار ءتۇرلى ايماقتاردا - ادانا، انكارا، انتاليا، گازيانتەپ، كايسەري، مەرسين، ترابزون، ۋرفادا جارتى ساعات بويى سەزىلگەن.
تۇركيانىڭ TRT مەملەكەتتىك تەلەارناسى تىكەلەي ەفيردە تۇركيانىڭ وڭتۇستىك- شىعىسىندا ورنالاسقان پروۆينسيالاردىڭ كادرلارىن كورسەتتى. وندا تۇرعىندار سۋىققا قاراماستان، ءزىلزالا قايتالانۋىنان قورقىپ، ۇيلەرىن تاستاپ كەتىپ جاتىر.
الدىن الا مالىمەت بويىنشا، شانلىۋرفا پروۆينسياسىندا كەم دەگەندە 16 ءۇي قيرادى.
تۇركياداعى جەر سىلكىنىسىنەن كەيىن دابىلدىڭ ەڭ جوعارى دەڭگەيى جاريالاندى.
«ەلدە دابىلدىڭ ەڭ جوعارى دەڭگەيى جاريالاندى. ءبىز توتەنشە جاعدايلار باسقارماسىمەن بىرگە وڭىرگە قۇتقارۋشىلار جىبەردىك»، - دەدى ەلدىڭ ءى ءى م.
ءزىلزالادا زارداپ شەككەن اۋداندارعا گۋمانيتارلىق كومەكتەر ارتىلعان جۇك ۇشاقتارى دا ۇشىرىلماق، ول حالىقارالىق كومەكتى قاراستىرادى.
فوتو aa.com.tr