بەنزيننىڭ اقشاسىن ۇرلاعان پوليتسەيلەر 7 جىلعا سوتتالدى
«بيىلعى جىلعى قاڭتاردىڭ 30 ىندا سەلينوگراد اۋداندىق سوتىنىڭ ۇكىمىمەن اقمولا وبلىسى پوليتسيا دەپارتامەنتىنىڭ پاترۋلدىك پوليتسيا روتاسىنىڭ كومانديرى پوليتسيا پودپولكوۆنيگى تالعات ەردەنوۆ پەن پاترۋلدىك پوليتسيا روتاسىنىڭ اعا ينجەنەرى پوليتسيا كاپيتانى ماقسات جامانبايەۆ 7 جىلعا باس بوستاندىعىنان ايىرىلىپ، ولاردىڭ مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋعا ءومىر بويىنا تىيىم سالىندى. اتالعان ادامدار قىزمەتتىك اۆتوكولىك قۇرالدارىن تولتىرۋ ءۇشىن بولىنگەن 100 ميلليون تەڭگە سوماسىندا جانار-جاعارماي تالوندارىن الدىن الا ءسوز بايلاسۋ بويىنشا ادامدار توبىنىڭ ۇرلاعانى ءۇشىن كىنالى دەپ تانىلدى»، - دەدى اقمولا وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسپا ءسوز قىزمەتىنەن.
ۆەدومستۆودان اتاپ وتكەندەي، سوت ۇكىمىن جاريالاۋ پروتسەسى پاترۋلدىك پوليتسيا روتاسى جەكە قۇرامىنىڭ قاتىسۋىمەن ءوتتى.
سوت ۇكىمى زاڭدى كۇشىنە ەنگەن جوق.
«قوعامدىق باقىلاۋ ينستيتۋتىن ىسكە اسىرۋ اياسىندا سوتتالعانداردى اشكەرەلەۋگە «ادىلدىك جولى» ءو ق ب اتىنان جۇرتشىلىق وكىلدەرى ءوز ۇلەستەرىن قوستى»، - دەپ تولىقتىردى ۆەدومستۆودان.