وتكەن جىلى 7 مىڭنان اسا لاۋازىمدى تۇلعا جاۋاپكەرشىلىككە تارتىلدى
وتكەن جىلى قۇقىقتىق ستاتيستيكا ورگاندارى 28 مىڭ قاداعالاۋ ءىس-شارالارىن جۇرگىزدى، 49 مىڭنان استام ءتۇرلى بۇزۋشىلىقتار انىقتالدى، پروكۋرورلىق قاداعالاۋدىڭ 3 مىڭ اكتىسى ەنگىزىلدى، ولار بويىنشا 7,6 مىڭ لاۋازىمدى تۇلعا جاۋاپكەرشىلىككە تارتىلدى.
ازاماتتارعا 4,8 ملن استام مەملەكەتتىك قىزمەت كورسەتىلدى (مۇراعاتتىق انىقتامالار، سوتتىلىق، اپوستيل قويۋ، سىبايلاس جەمقورلىق سياقتى)، مەملەكەتتىك ورگانداردىڭ 1,2 ميلليون سۇراۋ حاتتارى ورىندالدى.
قىلمىستىق پروتسەستىڭ ءۇش بۋىندى مودەلىن ەنگىزگەننەن باستاپ قىلمىستىق قۋدالاۋ ورگانداردىڭ قىزمەتىن باقىلاۋ جۇمىستارى جاقساردى. ناتيجەسىندە 2022 -جىلى قىلمىستىق پروتسەسكە نەگىزسىز تارتىلعان تۇلعالاردىڭ سانى 59 مىڭنان 53 مىڭعا دەيىن قىسقاردى.
تەكسەرۋ سۋبەكتىلەرى مەن وبەكتىلەرىنىڭ ءبىرىڭعاي ءتىزىلىمى اقپاراتتىق جۇيەسى ارقىلى بيزنەس سۋبەكتىلەرىن باقىلاۋشى ورگاندار تاراپىنان نەگىزسىز قىسىمنان قورعاۋ قامتاماسىز ەتىلەدى. كوميتەت پەن ونىڭ اۋماقتىق ورگاندارىنىڭ پروكۋرورلارى 1050 زاڭسىز تەكسەرۋدىڭ جولىن كەستى.
اكىمشىلىك ءىس جۇرگىزۋلەردىڭ ءبىرىڭعاي تىزىلىمىندە ەلەكتروندىق فورماتتا 8 ميلليون استام نەمەسە اكىمشىلىك حاتتامالار مەن نۇسقامالاردىڭ %88 ى جاسالدى. اكىمشىلىك ايىپپۇلداردىڭ ءوندىرىپ الۋ پايىزى %78,2 دى قۇراپ، 120 ميلليارد تەڭگەدەن استى.
كوميتەتتىڭ اقپاراتتىق جۇيەلەرى ارقىلى ازاماتتاردىڭ مەملەكەتتىك ورگاندارعا ونلاين شاعىم بەرۋگە، اكىمشىلىك ايىپپۇلداردى تولەۋگە، ال بيزنەس زاڭسىز تەكسەرۋلەر تۋرالى اقپارات بەرۋگە مۇمكىندىگى بار.
سونىمەن قاتار حالىق ءۇشىن قۇقىقتىق اقپاراتتىڭ اشىقتىعىن قامتاماسىز ەتەتىن «Qamqor.gov.kz» جاريا پورتالى قىزمەت اتقارادى. كوميتەتتىڭ سەرۆيستەرى ارقىلى ازاماتتار پوليتسياعا ءوتىنىش بەرەدى جانە ونىڭ قارالۋىن قاداعالايدى، كولىكتىڭ جول-كولىك وقيعالاردا قاتىسۋىن تەكسەرەدى، وڭىردەگى كريمەنوگەندىك احۋال جانە جولدارداعى اپاتتىڭ جاي-كۇيى تۋرالى گەوكارتالار بويىنشا مالىمەتتەردى الادى.
