دارىگەر ولىمگە اكەلەتىن قان ۇيۋدىڭ 7 بەلگىسىن اتادى
دارىگەر اعزانىڭ مۇزداپ بىردەن جىلىنۋى ومىرگە قاۋىپ توندىرەتىن قان ۇيۋىن تۋدىراتىنىن ايتادى.
قىستىڭ قاۋىپى - تەمپەراتۋرانىڭ كۇرت وزگەرۋى. كوشەدە توڭامىز، قولىمىزدى، اياعىمىزدى، كەيدە ءتىپتى ءوز مۇرنىمىزدى دا سەزبەي، تەزىرەك جىلى بولمەگە كىرۋگە تىرىسامىز. جىلىنعاسىن تاعى دا سىرتقا شىعامىز. بۇل تەرىگە جانە يممۋندىق جۇيەگە عانا ەمەس، سونىمەن قاتار قان اعىمىنا دا زيان تيگىزەدى.
«تەمپەراتۋرانىڭ كەنەت وزگەرۋى، مىسالى، ادامدار سۋىقتان ىستىق بولمەگە كىرگەندە، دەنەدە جىلۋ كۇيزەلىسى تۋادى، ويتكەنى ول تۇراقتى تەمپەراتۋرانى ۇستاپ تۇرۋ ءۇشىن كوپ جۇمىس ىستەۋى كەرەك. مۇنداي كۇيزەلىس قاننىڭ كونسيستەنتسياسىنا تىكەلەي اسەر ەتەدى»، - دەيدى حيرۋرگ مارك ۋايتلي Express-كە بەرگەن سۇقباتىندا.
ماماننىڭ ءسوزىن قىتاي عالىمدارىنىڭ زەرتتەۋى دالەلدەپ وتىر. زەرتتەۋشىلەر ادام جىلىدان بىردەن سۋىق اۋا رايىنا شىققان سايىن، قان ۇيۋى، اسىرەسە تەرەڭ تامىر ترومبوزىنىڭ قاۋپى سوعۇرلىم جوعارى ەكەنىن انىقتادى.
دەنەدە قان ۇيىعانىن قالاي تۇسىنۋگە بولادى؟
• قول نەمەسە اياق ءىسىنىپ، اۋىرسىنۋ مەن قىزارۋ پايدا بولادى؛
• ج ر ۆ ي نەمەسە تۇماۋدىڭ باسقا بەلگىلەرى بولماسا دا قىزۋ كوتەرىلەدى؛
• اسقازان اۋرۋى، ديارەيا جانە قۇسۋدان زارداپ شەگە باستاساڭىز، ۋلانۋدان باسقا، بۇل ترومبوز بەلگىلەرى بولۋى مۇمكىن؛
• كەۋدە اۋىرادى، تىنىس الۋ قيىندايدى؛
• كوپ تەرلەي باستايسىز؛
• ءجيى باس اينالادى؛
• السىزدىك.
«اتەروسكلەروز، گيپەرتونيا، ءارتۇرلى جۇرەك اۋرۋلارى بار ادامدار اۋرۋعا ءجيى شالدىعادى. سۋىقتا ۇزاق ءجۇرۋ جۇرەك تالماسىن تۋدىرۋى مۇمكىن»، - دەيدى مارك ۋايتلي.
ءوزىڭىزدى قالاي قورعاۋعا بولادى؟
ەڭ قاراپايىم كەڭەس - جىلى كيىنۋ. جۇننەن، تابيعي ماتادان جاسالعان كيىم كيىڭىز، ءارقاشان جىلى شارف، قولعاپ، شۇلىق كيىڭىز.
دەنە بەلسەندىلىگى تۋرالى ۇمىتپاڭىز. جاتتىعۋلارعا بارۋ، مۇمكىندىگىنشە قوزعالۋ كەرەك.
«سۋىق ايلاردا بەلسەندى بولۋ ماڭىزدى، ويتكەنى بۇل قان اعىمىن جاقسارتۋعا كومەكتەسەدى، وسىلايشا اعزا تەزىرەك قىزىپ، باياۋ سۋيدى»، - دەيدى دارىگەر.
مازىرگە پىسىرىلگەن كوكونىستەردى، ىستىق سورپالاردى، ەتتەردى، ىستىق شايلاردى جانە كوفەنى قوسىڭىز. اقۋىز بەن پايدالى مايلارعا باي تاعامدار دا جىلۋدى ساقتاۋعا كومەكتەسەدى.
massaget.kz
