زايسان اۋدانىنىڭ تۇرعىندارىن الداپ سوققان قىز 7 ميلليون تەڭگە پايدا كورگەن

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارىنا حابارلاسقان ازامات ءوز اتىنا نەسيە راسىمدەگەن تانىسىنا شارا قولدانۋدى سۇراعان. بەلگىلى بولعانداي، زايسان قالاسىندا تۇراتىن 20 جاستاعى قىز ودان باسقا دا ادامداردى الداپ سوقتى.

«تۇرعىنداردى سوزگە تارتقان قىز ولاردىڭ اتىنان تاۋارلىق نەسيە الىپ وتىردى. سونىڭ سالدارىنان 7 ادام زارداپ شەكتى. جابىرلەنۋشىلەرگە كەلتىرىلگەن شىعىننىڭ جالپى كولەمى - 7370000 تەڭگەنى قۇراعان»، - دەپ حابارلادى ۆەدومستۆو وكىلدەرى.

جەدەل-ىزدەستىرۋ شارالارىن جۇرگىزگەن پوليتسەيلەر كۇدىكتىنى قولعا ءتۇسىردى. ول ءوز كىناسىن تولىق مويىندادى. قازىرگى ۋاقىتتا اتالعان فاكتى بويىنشا ق ر ق ك-نىڭ 190-بابى 2-بولىگىنە (الاياقتىق) سايكەس سوتقا دەيىنگى تەرگەۋ امالدارى جۇرگىزۋدە.