قىرعىز حالقىنىڭ سانى 7 ميلليون ادامعا جاقىندادى

ەلدىڭ ۇلتتىق ستاتيستيكالىق كوميتەتى تاراتقان مالىمەتكە سايكەس، 1-تامىزداعى جاعداي بويىنشا رەسپۋبليكا حالقىنىڭ سانى 6 ميلليون 977 مىڭ ادام بولدى.

تۇراقتى تۇرعىنداردىڭ ناقتى سانى 2009 -جىلمەن سالىستىرعاندا 1,6 ميلليون ادامعا ارتىپ وتىر. جىلىنا ورتا ەسەپپەن %2,1 ءوسىم بايقالادى.

ۆەدومستۆودان حابارلاعانداي، حالىق ساناعى مەن تۇرعىن ءۇي قورىنىڭ كولەمىن انىقتاۋ كوكتەمدە ەكى كەزەڭمەن جۇرگىزىلگەن. جاز كەزىندە ستاتيستيكا كوميتەتى الىنعان مالىمەتتەردى وڭدەۋدىڭ ءبىرىنشى كەزەڭىن اتقارعان. قازىر مالىمەتتەر بويىنشا جىبەرىلۋى مۇمكىن لوگيكالىق قاتەلەر تەكسەرىلىپ، اعىمداعى دەموگرافيالىق ەسەپ دەرەكتەرىمەن (جىنىسى، جاسى، اۋماقتىق ءبولىنىس جانە ت. ب. ) سالىستىرۋ جۇرگىزىلىپ جاتىر. بۇل كەزەڭ جىل سوڭىندا اياقتالادى.