پرەزيدەنت مانداتىنىڭ 7 جىلدىق كەزەڭى كەز كەلگەن باعدارلامانى جۇزەگە اسىرۋعا جەتكىلىكتى - توقايەۆ
بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋى بارىسىندا ايتتى، دەپ حابارلايدى قازاقپارات ءتىلشىسى.
«مەن كوپ ويلانىپ، پرەزيدەنت وكىلەتتىگى مەرزىمدەرىنىڭ سانىن جانە ۇزاقتىعىن قايتا قاراۋ قاجەت دەگەن بايلامعا كەلدىم. پرەزيدەنت مانداتىن ۇزاقتىعى 7 جىلدىق ءبىر مەرزىممەن شەكتەۋدى ۇسىنامىن. ءبىراق قايتا سايلانۋعا تىيىم سالىنادى»، - دەدى مەملەكەت باسشىسى.
وسى ورايدا پرەزيدەنت بۇل باستامانىڭ نەگىزىنە توقتالدى.
«ءبىر جاعىنان 7 جىل كەز كەلگەن اۋقىمدى باعدارلامانى جۇزەگە اسىرۋ ءۇشىن جەتكىلىكتى كەزەڭ. ەكىنشى جاعىنان پرەزيدەنت مانداتىن ءبىر مەرزىممەن شەكتەۋ مەملەكەت باسشىسىنىڭ جالپىۇلتتىق دامۋدىڭ ستراتەگيالىق مىندەتتەرىن شەشۋگە بارىنشا جۇمىلۋىن قامتاماسىز ەتەدى»، - دەدى قاسىم- جومارت توقايەۆ.
بۇدان بۇرىن حابارلانعانداي، قاسىم-جومارت توقايەۆ بيىل كۇزدە كەزەكتەن تىس پرەزيدەنت سايلاۋىن وتكىزۋدى ۇسىندى.
