قازاق فۋتبولشىسى ءبىر ماتچتا 7 گول سوقتى - ۆيدەو

نۇر-سۇلتان. قازاقپارات - «تۇران» جاستار كومانداسىنىڭ ويىنشىسى باقداۋلەت ءزۇلفيقاروۆ «Aqtobe City» كلۋبىنا قارسى ويىندا 7 گول سوقتى، - دەپ حابارلايدى Tengrinews.kz ءتىلشىسى.

ەكىنشى ليگانىڭ ماتچى 7-1 ەسەبىمەن «تۇراننىڭ» پايداسىنا اياقتالدى، الاڭ يەلەرى ساپىنداعى بارلىق گولدى تۇركىستاندىق كوماندانىڭ 21 جاستاعى شابۋىلشىسى سوقتى.

ءزۇلفيقاروۆ «تۇراننىڭ» نەگىزگى قۇرامىندا ءۇش ويىن وتكىزدى - بىرەۋى ق پ ل-دا جانە ەكەۋى ەل كۋبوگىندا.

ەسكە سالايىق، وتكەن ماۋسىمدا باقداۋلەت بەلارۋستىڭ «ەنەرگەتيك- ب گ ۋ» كلۋبىندا ونەر كورسەتىپ، ءتورت ماتچتا ءبىر گول سوققان بولاتىن. قازاقستاننىڭ ءبىرىنشى جانە ەكىنشى ليگالارىندا «اكادەميا وڭتۇستىك» پەن «قىران» كوماندالارىندا ويناعان.