ەرەسەكتەر ءجيى وكىنەتىن 7 نارسە

نۇر-سۇلتان. قازاقپارات - جاستىق شاقتا ءومىردىڭ بار قىزىعى ءالى الدا دەپ ويلايمىز. سوندىقتان ءبىز قازىرگىگە اسا ءمان بەرمەي، كوپتەگەن ءىستى كەيىنگە قالدىرا بەرەمىز.

ءبىراق ەسەيگەندە وتكەن قاتەلىكتەردى ويلاپ، وكىنگەنشە ءوز ءومىرىڭىزدى قازىردەن باستاپ قولعا العان دۇرىس. جاستىق شاقتا قانداي قاتەلىكتەردەن اۋلاق بولۋ كەرەك؟

تاۋەلدىلىكتەر مەن زياندى ادەتتەردەن ۋاقىتىندا ارىلماۋ

زياندى ادەتتەردەن ارىلۋ ەشقاشان كەش ەمەس. ءبىراق ۇلعايعان جاستا ودان باس تارتۋ الدەقايدا قيىن. بىرىنشىدەن، اعزا مىسالى، الكوگولدىڭ كۇندەلىكتى مولشەرىنە قاتتى ۇيرەنىپ قالادى. ەكىنشىدەن، تاۋەلدى ادامنىڭ ۋاقىت وتە جامان ادەتتەن ارىلۋ نيەتى جوعالا باستايدى، سەبەبى ونسىز ءومىرىن ەلەستەتە المايدى.

ال جاس كەزدە زياندى ادەتتەردەن ارىلۋ وڭاي. ول ءۇشىن الدىمەن سول پروتسەسكە دەگەن كوزقاراسىڭىزدى وزگەرتىڭىز جانە ودان باس تارتۋ قانداي ارتىقشىلىقتار اكەلەتىنىن ويلانىڭىز.

ماماندىقتى ءوزى تاڭداماۋ

ماماندىق تاڭداۋ — ءار ادامنىڭ ومىرىندەگى ەڭ قيىن جانە جاۋاپتى ساتتەردىڭ ءبىرى. ارينە، قازىر زامان بولەك: قاي كەزدە بولماسىن نە نارسەنى بولسا دا، ءتىپتى، ۇيدەن شىقپاي-اق ۇيرەنۋگە مۇمكىندىك بار. ءبىراق بۇل ماماندىق تاڭداۋدىڭ ماڭىزدىلىعىن جوققا شىعارمايدى. ەرەسەكتەر ءبىر كەزدەرى ءوز ارماندارىنان باس تارتىپ، اتا-اناسىنىڭ ايتقانىمەن جۇرگەندەرى ءۇشىن ءجيى وكىنەدى. سونىڭ سالدارىنان ءومىر بويى ءوز جۇمىسىن جاقتىرماي، كاسىبي تۇرعىدا ءبىر ورىندا «تۇرىپ قالادى».

ماماندىقتى ءوزىڭنىڭ قالاۋىڭا، بىلىمىڭە جانە داعدىلارىڭا قاراي تاڭدا. ءوزىڭنىڭ ومىرلىك جولىڭدى انىقتاۋ كەزىندە باسقالاردىڭ تاجىريبەسىنە ازىراق ءمان بەرىپ، ءوزىڭ ءۇشىن شىنىمەن دە ماڭىزدى نارسە تۋرالى ويلا.

كەتكىسى كەلەتىندەردى ۇستاپ قالۋعا تىرىسۋ

ءۇمىتسىز قاتىناستى قۇتقارۋ نەمەسە ساقتاعىسى كەلۋ — كوپشىلىك وكىنەتىن جاستىقتىڭ ءبىر قاتەلىگى. سەنى ەشكىم جاقسى كورمەيدى دەگەن باسقالاردىڭ ويىنا ءمان بەرەمىن دەپ، ءوزىڭىزدى ناعىز ادامىڭىزدى كەزدەستىرۋ مۇمكىندىگىنەن ايىراسىز.

باسقالاردىڭ ويىنان شىققىسى كەلۋ

قوعامدىق قىسىممەن، اسىرەسە، جاستىق شاقتا كۇرەسۋ قيىن. ءبىراق بارلىق ۋاقىتىڭىز بەن كۇشىڭىزدى باسقالاردىڭ ويىنان شىعۋعا جۇمسايتىن بولساڭىز، ول جاقسى نارسەگە اكەلمەيدى. ءوز ءومىرىڭىزدى باسقارا الاتىن جانە وزدىگىنشە شەشىم قابىلداي الاتىن مىقتى ادام بولۋعا ۇمتىلىڭىز. بارلىق ادامنىڭ كوڭىلىنەن شىعۋ مۇمكىن ەمەسىن ءتۇسىنىڭىز.

ۋاقىتتى بوسقا وتكىزۋ

كوپتەگەن ەرەسەكتەر ۋاقىتتى بوس جوعالتقاندارى ءۇشىن وكىنەدى. بىتپەيتىن كەشتەر، جالقاۋلىق، ۇزاق دۇرىس ەمەس قاتىناس: ەرەسەكتەردىڭ كوپشىلىگى ءوز ۋاقىتتارىن ءتيىمدى قولدانباعاندارى ءۇشىن وكىنەدى.

ءسىز دە بۇل قاقپانعا تۇسپەۋىڭىز ءۇشىن باسىمدىلىقتاردى ءبىرىنشى كەزەككە قويىپ، قانداي ماقساتقا جەتكىڭىز كەلەتىنىن انىقتاڭىز. جاڭا تىلدەر ۇيرەنۋگە، سپورتقا، كىتاپ وقۋعا جانە ءسىزدى دامىتاتىن باسقا دا ىستەرگە كوبىرەك ۋاقىت بولۋگە تىرىسىڭىز.

تاۋەكەل ەتۋدەن قورقۋ

بۇل جاعدايدا تاۋەكەل دەپ تىيىم سالىنعان زاتتاردى تۇتىنۋ نەمەسە قاۋىپتى كولىك ايداۋ جايلى ايتىلىپ تۇرعان جوق. ومىرلىك ماحابباتىڭدى جىبەرىپ العانىڭ، قانداي دا ءبىر جۇمىستان باس تارتقانىڭ نەمەسە كەرىسىنشە، جاڭا قىزمەتتە ءوزىڭدى سىناماعانىڭ، شەتەلگە كوشۋدەن قورىققانىڭ ءۇشىن ءومىر بويى وكىنۋىڭ مۇمكىنسىڭ.

دەنساۋلىققا قاتىستى پروبلەمالاردى ەلەمەۋ

جاستىق شاقتا بىزگە اعزا ءارقاشان وسىنداي مىقتى، سىمباتتى جانە ساۋ بولاتىنداي كورىنەدى. ال نەگىزىندە دەنساۋلىقتى كۇتۋدى جاس كەزدەن باستاۋ كەرەك. بۇل ءسىزدىڭ ەسەيگەن كەزىڭىزدە دە جاقسى كورىنۋىڭىزگە جانە انىق ويلاۋىڭىزعا كومەكتەسەدى.

سپورتپەن اينالىسىڭىز، تازا اۋادا سەرۋەندەۋدەن باس تارتپاڭىز، جۇيەلى تۇردە دارىگەرلەرگە قارالىپ تۇرىڭىز، اۋىز قۋىسى دەنساۋلىعىنا اسا ءمان بەرىڭىز. بۇلار ءسىزدى تونۋستا ۇستاپ قانا قويماي، سونداي-اق قانداي دا ءبىر اۋرۋلاردى العاشقى كەزەڭىندە انىقتاپ، ۋاقىتىندا ەمدەۋگە مۇمكىندىك بەرەدى.

massaget.kz