ماحابباتقا قاتىستى 7 عىلىمي فاكت

نۇر-سۇلتان. قازاقپارات - عاشىق بولۋ وتە پايدالى. ەموتسيونالدى ءارى فيزيكالىق دەڭگەيدە.

بۇل سترەسستى ازايتادى، ساۋىعۋ پروتسەسىن جىلدامداتادى جانە جالپى ءومىردى ۇزارتادى. ءبىز وسى ماحاببات تۋرالى بىرنەشە فاكتىلەردى جينادىق.

1. عاشىق بولۋ ماس قىلادى

عاشىق بولۋ ەيفورياسى ەسىرتكى تۇتىنۋشىلاردىڭ باسىنان وتكەرەتىن جاعدايعا ۇقسايدى. Journal of Sexual Medicine جۋرنالىندا جاريالانعان ءبىر زەرتتەۋگە سايكەس، ەكى ارەكەت تە دوپامين، وكسيتوتسين جانە ادرەنالين سياقتى باقىت گورموندارىنىڭ ءبولىنۋىن تۋدىرادى.

2. عاشىعىڭىزدى قۇشاقتاۋ كۇيزەلىستەن بىردەن ارىلتادى

سولتۇستىك كارولينا ۋنيۆەرسيتەتىنىڭ پسيحياترلارى جۇرگىزگەن زەرتتەۋ كورسەتكەندەي، ەرلى-زايىپتىلار قۇشاقتاسىپ جاتقاندا، ولاردا سترەسستى ازايتۋعا جانە كوڭىل-كۇيدى جاقسارتۋعا جاۋاپ بەرەتىن وكسيتوتسين گورمونىنىڭ دەڭگەيىن جوعارىلاتادى.

3. باقىتتى جۇرەك - ساۋ جۇرەك

سۇيىسپەنشىلىك ءسىزدىڭ ومىرىڭىزگە ەموتسيونالدى جانە فيزيكالىق تۇرعىدان جاقسى اسەر ەتەدى. 3,5 ميلليوننان استام ادامنىڭ مەتا-تالداۋىنىڭ دەرەكتەرى نەكەدە تۇرعان ادامداردىڭ اجىراسقان نەمەسە جالعىزباستى ادامدارعا قاراعاندا قان تامىرلارى اۋرۋىنان %12 از زارداپ شەگەتىنىن كورسەتەدى.

4. جانۋارلار دا مونوگامدى بولادى

ادامدار مونوگامدىق قاتىناستا بولاتىن جالعىز جاراتىلىس ەمەس. قۇندىزدار، قۇمىرسقالار، قاسقىرلار، تەڭىز جىلقىلارى جانە ۇكىلەر - ءومىر بويى ءبىر سەرىكتەسپەن بىرگە بولاتىن جانۋارلاردىڭ كەيبىرى عانا.

5. ەرلى-زايىپتىلاردىڭ جۇرەك سوعىسى سينحروندالادى

ءسىز جانە ءسىزدىڭ جۇبايىڭىز ءبىر-ءبىرىڭىزدىڭ كوزىڭىزگە قاراعان كەزدە جۇرەك سوعۋ جيىلىگى سينحروندالادى. ءۇش مينۋت بويى ءبىر-بىرىنە قاراما-قارسى وتىرعان 32 گەتەروسەكسۋالدى جۇپتى تالداعاننان كەيىن زەرتتەۋشىلەر ولاردىڭ جۇرەك سوعۋ جيىلىگىنىڭ بىردەي ەكەنىن انىقتادى.

6. سۇيىسپەنشىلىك سوزىلمالى اۋرۋدى جەڭىلدەتەدى

ستەنفورد ۋنيۆەرسيتەتىنىڭ مەديتسينا مەكتەبىنىڭ عالىمدارى جۇرگىزگەن تاجىريبە ماحابباتتىڭ ميداعى اۋىرسىنۋدى باساتىن دارىلەر سياقتى رەاكسيا تۋدىراتىنىن كورسەتتى (قانداي دا ىقتيمال زياندى جاناما اسەرلەرى جوق).

7. ماحاببات ىزگىلىككە باۋليدى

ءتىپتى ەڭ پەسسيميستىك ادامدار دا ومىرلىك جارىن جولىقتىرعاندا جاقسى جاققا وزگەرەدى. توعىز اي بويى 245 جاس جۇبايدى باقىلاعان Journal of Personality جۋرنالىندا جاريالانعان زەرتتەۋگە سايكەس، سەزىم نيەۆروتيك ادامداردى وپتيميسكە اينالدىرا الادى ەكەن.

massaget.kz