الەمنىڭ ەجەلدەن كەلە جاتقان 7 حوش ءيىسى

نۇر- سۇلتان. قازاقپارات - ارۋ وزگەلەردى ەلىتىپ اكەتەتىن حوش ءيىستى بولۋى ءتيىس. بۇل زاڭدىلىق كونەدەن كەلە جاتىر. ەجەلدە ءاتىر، دەزودورانت دەگەن دۇنيەلەردىڭ بولماعانى راس.

تاريحتاعى ايەل زاتى جاعىمدى ءيىستى تابيعاتتان العان. قالاي؟

كلەوپاترا رەتسەپتى

كلەوپاترا پاتشايىمنىڭ كەڭەسى قازىرگى تاڭعا دەيىن قولدانىلىپ كەلەدى. ول وعاش ءيىستى جاقتىرماعان. سول ءۇشىن تازالىقتى ساقتاپ تۇراتىن زاتتى ىزدەپ تاپتى. حوش ءيىس بەرەتىن تۇنبانىڭ قۇرامىندا تسيترۋس پەن دارشىن بار.

قۇمىرسقا قىشقىلى، شايىر مەن تاسباقا ساۋىتى

ەجەلگى ءارى وتە ەرەكشە دەزودورانت. XVII عاسىردان بەرى ءبىرشاما ەل قۇمىرسقا قىشقىلىن قولدانىپ كەلەدى. ەجەلگى گرەكتەر مەن ريمدىكتەر جاعىمدى ءيىس ءۇشىن حوش ءيىستى شايىردى قولدانعان. ال ۇگىتىلگەن تاسباقا ساۋىتىنان، تۇيەقۇس جۇمىرتقاسىنىڭ قابىعىنان جانە جىڭعىلدان تەرلەۋدەن قورعايتىن كرەم جاساعان.

الۋنيت

وڭتۇستىك- شىعىس ازيادا بۇل كريستتال تارالعان. مينەرالدى تاستىڭ قۇرامىندا انتيسەپتيكالىق قاسيەتكە يە اليۋميني- كالي كۆاستس بار. بۇرىندا تۇرعىندار تەرلەۋدەن ارىلۋ جانە جارانى ەمدەۋ ءۇشىن بۇل تاستى بازاردان ساتىپ الىپ جۇرگەن.

راۋشان مايى

اڭىزعا سۇيەنسەك، ءۇندىستانداعى شەندىنىڭ ءبىرى قىزىنىڭ ۇزاتىلۋ تويىنا ارناپ ۇلان اسىر توي جاساعان ەكەن. ول ساراي ماڭىنداعى سۋ ايدىنىنىڭ بەتىن راۋشان گۇلىنىڭ كۇلتەلەرىمەن جاۋىپ تاستاۋدى بۇيىرعان ەكەن. توي قوناقتار تارقاپ جاتقاندا، ولار سۋدان حوش ءيىستى بايقايدى. وسىدان كەيىن بۇكىل الەم راۋشان گۇلىنىڭ ەفير مايىن نازىك جاندىلاردىڭ سۇلۋلىعى ءۇشىن قولداناتىن بولعان.

ءشوپ تولى قاپ پەن قايناتپالار

ەجەلگى ريمدە شەندى تۇلعالار حوش ءيىستى شوپتەر مەن گۇلدەر سالىنعان كىشكەنە قاپشىقتى وزىمەن بىرگە الىپ جۇرگەن. ولارعا اسىرەسە، جالبىز، اقگۇل (جاسمين)، لاۆاندا گۇلدەرى ۇناعان. ال تەز اسەر ەتەتىنى ەمەن اعاشى قابىعىنىڭ قايناتپاسى ەكەن. شىعىس ەلدەرىندە دە قالىڭدىق تويعا دايىندىق كەزىندە حوش ءيىستى ءشوپ تۇنباسىمەن جۋىنعان ەكەن.

سودا دەزودورانتى

قيىن- قىستاۋ كەزدە حوش ءيىستى گۇلدەر مەن تۇنبالارعا ءوول جەتە بەرمەدى. سول كەزدە ارۋلار تازالىق ءۇشىن قاراپايىم اس سوداسىن پايدالانعان. ول تەك تەرلەۋدەن قورعاپ قانا قويماي، باكتەريانىڭ دا كوزىن جويادى.

نەفەرتيتي قۇپياسى

نەفەرتيتي پاتشايىم ءار تاڭ، كۇن سايىن جانە جاتار الدىندا كۇل مەن حوش يىستەن تۇراتىن سكراب قولدانعان. ماي ارالاسقان قىزىل بالشىق ۇنتاعىن دەزودورانت ەسەبىندە پايدالانعان. ال ءاتىر ءۇشىن پاتشايىم موينىنا حوش ءيىستى گۇلدەردەن ادەمى القا، مونشاقتار تاققان.

Massaget.kz