ادام ولىمىنە سەبەپكەر بولعان جاۋاپسىز جۇمىس بەرۋشىلەر 7 جىلعا دەيىن سوتتالۋى مۇمكىن

نۇر- سۇلتان. قازاقپارات – ق ر باس مەملەكەتتىك ەڭبەك ينسپەكتورى تولەگەن وسپانقۇلوۆ ورتالىق كوممۋنيكاتسيالار قىزمەتىندە وتكەن بريفينگىدە ادام ولىمىنە سەبەپكەر بولعان جاۋاپسىز جۇمىس بەرۋشىلەر قانداي جازا ارقالايتىنىن ايتتى، دەپ حابارلايدى قازاقپارات ءتىلشىسى.
None
None

«بۇگىنگى تاڭدا ەڭبەك ينسپەكتسياسىنىڭ جەرگىلىكتى ورگاندارى شەتەلدەن 30 دان استام ادامنان تۇراتىن جۇمىس كۇشىن تارتقان 64 كاسىپورىندا تەكسەرۋ جۇرگىزىپ جاتىر. تەكسەرۋدە وتكەن جىلدىڭ ناتيجەسى ساراپتالادى. 9 ايدىڭ قورىتىندىسى بويىنشا، وندىرىستەگى جازاتايىم وقيعالاردىڭ سانى جوعارى بولعانىن ەسكەرە وتىرىپ، ءبىز پروكۋراتۋرا ورگاندارىمەن بىرگە وسى ورگانداردى تەكسەرۋگە باستاماشى بولدىق. باس پروكۋراتۋرا بۇگىن بىزگە ءوز مالىمەتتەرىن بەرىپ وتىر. ءيا، وكىنىشكە قاراي، قۇقىق بۇزۋ فاكتىلەرى، جازاتايىم وقيعالاردى جاسىرۋ فاكتىلەرى بار. ەڭبەك كودەكسىنە ارنايى نورما ەنگىزدىك. ەگەر كەز كەلگەن ازامات تراۆماتولوگيا بولىمىنە نەمەسە باسقا مەديتسينالىق بولىمگە تۇسكەن كەزدە، قانداي دا ءبىر ۇيىممەن ەڭبەك قاتىناسىندا ەكەنىن ايتسا، مەديتسينا مەكەمەسى ءۇش كۇننىڭ ىشىندە ول جۇمىس ىستەيتىن ۇيىمعا، مەملەكەتتىك ورگاندارعا، مەملەكەتتىك ەڭبەك ينسپەكتسياسىنا جانە تۋىستارىنا بۇل جايىندا مىندەتتى تۇردە حابارلاۋعا ءتيىس. ياعني، بۇگىنگى كۇنى جازاتايىم وقيعالاردى جاسىرۋ وتە قيىن»، - دەدى تولەگەن قاباق ۇلى.

سونداي- اق، ەڭبەك قاۋىپسىزدىگىن قامتاماسىز ەتپەگەن جۇمىس بەرۋشى ءوز جاۋاپسىزدىعىنان ادام ولىمىنە سەبەپكەر بولسا، باس بوستاندىعىنان ايىرىلاتىنىن ايتا كەتكەن ءجون.

«ەگەر كاسىپورىندا كىسى ولىمىمەن اياقتالعان جازاتايىم وقيعا بولسا، جۇمىس بەرۋشى تاراپىنان بۇزۋشىلىقتار انىقتالعانى دالەلدەنسە، ونى 3 جىلدان 5 جىلعا دەيىن باس بوستاندىعىن شەكتەۋگە دەيىن قىلمىستىق جاۋاپكەرشىلىككە تارتۋى مۇمكىن. ەگەر ەكى نەمەسە ودان دا كوپ ادام قايتىس بولسا، وندا 7 -جىلعا دەيىن سوتتالادى»، - دەدى كوميتەت باسشىسىنىڭ ورىنباسارى.

بۇعان دەيىن ق ر پرەمەر- ءمينيسترىنىڭ ورىنباسارى ەرالى توعجانوۆ ەڭبەك داۋلارىن شەشۋ ماسەلەسىندە ماڭعىستاۋ وبلىسىنىڭ تاجىريبەسىن ەنگىزۋدى ۇسىنعان ەدى.


سوڭعى جاڭالىقتار