14:56, 22 - ءساۋىر 2022 | GMT +5
قاڭتار وقيعاسىندا قازا تاپقانداردىڭ وتباسىنا 7 ميلليون تەڭگەدەن تولەندى
نۇر- سۇلتان. قازاقپارات - «قازاقستان حالقىنا» قورىنا قاڭتار وقيعاسى كەزىندە زارداپ شەككەن ازاماتتاردىڭ ناقتىلانعان ءتىزىمى كەلىپ ءتۇستى.

بۇل تۋرالى قازاقپارات قوردىڭ باسپا ءسوز قىزمەتىنە سىلتەمە جاساپ حابارلايدى.
قايتىس بولعان 13 ازاماتتىڭ وتباسى مۇشەلەرىنە قور اقشالاي تولەمدەر جىبەردى، ولاردىڭ جازاتايىم قۇربان ەكەنىن مارتەبەسىن قۇزىرلى ورگان راستادى. سونداي- اق قاڭتار وقيعاسى كەزىندە اۋىر جاراقات العان 2 بالانىڭ اتا- اناسىنا اقشالاي تولەمدەر جىبەرىلدى. ءبىر بالا وق جاۋعان كولىكتە وتباسىمەن بىرگە، ال ەكىنشى بالا وق اتىلعان كولىكتە اكەسىمەن بىرگە بولعان.
تولەمدەر زارداپ شەككەن بالالار تۋرالى مالىمەتتەر تۇسكەننەن كەيىن جۇرگىزىلدى. بۇل ساناتتاعى جابىرلەنۋشىلەرگە جولدانعان جالپى تولەم سوماسى 97 ميلليون تەڭگەنى قۇرادى. قازا تاپقانداردىڭ وتباسىلارىنا 7 ميلليون تەڭگەدەن، اۋىر جاراقات العان بالالاردىڭ تۋىستارىنا 3 ميلليون تەڭگەدەن تولەندى.